မန္တလေးမြို့မှာ လွတ်လပ်တဲ့အတွေးအခေါ်တွေနဲ့ရေးဆွဲထားတဲ့ ပန်းချီကားတွေကို မန္တလေးမြို့ ဂျက်ဖာဆန်စင်တာမှာ ဒီဇင်ဘာလ (၂၁)ရက်ကစတင်ပြီး ပြသနေတာဖြစ်တယ်လို့ သိရပါတယ်။ ယခုပြသနေတဲ့ ပန်းချီပြပွဲမှာ မန္တလေး၊ မုံရွာ၊ တောင်ကြီးတို့က ပန်းချီဝါသနာပါတဲ့လူငယ်တွေရဲ့ လွတ်လပ်တဲ့အတွေးအခေါ် တွေနဲ့ ရေးဆွဲထားတဲ့ပန်းချီကားတွေကို ပြသနေတာဖြစ်ပါတယ်။ ဒီပန်းချီပြပွဲကိုတော့ အမေရိကန်သံရုံးရဲ့အစီအစဉ်နဲ့ အမေရိကန်နိုင်ငံမှလာတဲ့ ပန်းချီပါမောက္ခတွေက ပူးပေါင်းပြသတာဖြစ်တယ်လို့ သိရပါတယ်။

အခုလိုပန်းချီကားတွေ ပြသ တာဟာ လူငယ်တွေအနေနဲ့ ကမ္ဘာပေါ်မှာဖြစ်ပျက်နေတာတွေကို လွတ်လပ်တဲ့အတွေးအခေါ်တွေ၊ အမြင်တွေ၊ အယူအဆ တွေနဲ့ ပန်းချီတွေကို ရေးဆွဲနိုင်စေဖို့၊ လူငယ်တွေအနေနဲ့ပြောချင်တဲ့ ခံစားချက်တွေကို ဖော်ထုတ်ပြသ နိုင်စေဖို့အတွက် ဖြစ်တယ်လို့ ပြောပါတယ်။ အခုပန်းချီပြပွဲမှာ မန္တလေး၊ မုံရွာ၊ တောင်ကြီးကလူငယ်တွေလွတ်လပ်တဲ့အတွေးခေါ်တွေနဲ့ ရေးဆွဲထားတဲ့ ပန်းချီကား (၆၀) ကျော်ကိုပြသထားတာဖြစ်တယ်လို့သိရပါတယ်။ ဒီပန်းချီပြပွဲမှာတော့ လက်ရှိဖြစ်ပေါ်နေတဲ့အရာတွေကို ပန်းချီအနေနဲ့ ပုံဖော် ထားကြတာဖြစ်ပြီး လေထုညစ်ညမ်းမှုပုံတွေ ကလေးသူငယ်ညင်းပန်းနှိပ်စက်မှုနဲ့ ပတ်သက်တာတွေ၊ သက်ငယ်မုဒိန်းမှုနဲ့ ပတ်သက်တာတွေ စတဲ့ ပန်းချီကားတွေကို ပြသထားတာဖြစ်တယ်လို့ သိရပါတယ်။အဆိုပါ ပန်းချီပြပွဲကို မန္တလေးမြို့မှာ ပထမဆုံးအကြိမ်ပြသတာဖြစ်ပြီး ဒီဇင်ဘာလ (၂၁)ရက်မှ (၂၂)ရက်ထိ (၂)ရက်တာပြသ ခဲ့တာ ဖြစ်တယ်လို့သိရပါတယ်။ 

 

 

Related News