မြန်မာနိုင်ငံတရုတ်ကုန်သည်ကြီးများအသင်း တည်ထောင်သည့် နှစ် (၁၁၀) ကြိမ်မြောက်အထိမ်းအမှတ်အခမ်းအနား သင်းလုံးကျွတ်အစည်းအဝေးကို ဇန်န၀ါရီလ(၁)ရက်က ရန်ကုန်မြို့ရှိ Lotte ဟိုတယ်မှာ ကျင်းပခဲ့ပါတယ်။အခု (၂၀၁၉)ခုနှစ်မှာ တရုတ်နိုင်ငံက နိုင်ငံခြားသားရင်းနှီးမြှုပ်နှံသူတွေနဲ့တရုတ်ကုန်သည်ကြီးများ အသင်းတို့ပူးပေါင်းပြီး ဆောက်လုပ်ရေးကဏ္ဍ၊လျှပ်စစ်ကဏ္ဍတွေမှာရင်းနှီးမြှုပ်နှံမှုတွေ လုပ်ဆောင်သွားမယ်လို့သိရပါတယ်။ (၂၀၁၀)ခုနှစ်နောက်ပိုင်းမှာ ဒီမိုကရေစီ နိုင်ငံပြုပြင်ပြောင်းလဲရေး ကဏ္ဍနယ်ပယ်အထိ ဈေးကွက်စီးပွားရေးစနစ်ကိုပိုမိုအားကောင်းအောင် ပုဂ္ဂလိက ကဏ္ဍရဲ့ ဖွံ့ဖြိုးတိုးတက်ရေးကို ပိုမိုအားကောင်းအောင်ဆောင်ရွက်လာတဲ့ အချိန်ကာလတစ်ခုဖြစ်ပြီး မြန်မာနိုင်ငံဖွားတရုတ်လူမျိုးများရဲ့ စီးပွားရေးကဏ္ဍနယ်ပယ်တွေကလည်း ပိုမိုတိုးတက်လာတယ်လို့ ရန်ကုန်တိုင်းဒေသကြီးအစိုးရအဖွဲ့ ၀န်ကြီးချုပ်ဦးဖြိုးမင်းသိန်းကပြောပါတယ်။

မြန်မာနိုင်ငံမှာ တရုတ်စီးပွားရေးလုပ်ငန်းရှင်ပေါင်း (၂၈၀၀) ခန့်ရှိနေပြီး ရန်ကုန်မြို့မှာတော့ စီးပွားရေးလုပ်ငန်းရှင်ပေါင်း ရန်ကုန်မှာ (၁၂၀၀)ကျော်ရှိတယ်လို့သိရပါတယ်။ Golden City,Spring Line Dagon City တို့ကိုလည်း တရုတ်ကုန်သည်ကြီးများအသင်းဝင်တွေက ပြည်ပရင်းနှီးမြှုပ်နှံမှုများနဲ့ ပူးပေါင်းပြီး ရင်းနှီးမြှုပ်နှံကာတည်ဆောက်ခဲ့တာဖြစ်တယ်လို့မြန်မာနိုင်ငံတရုတ်ကုန်သည်ကြီးများအသင်း ဥက္ကဋ္ဌ ဦးမြင့်ရွှေကပြောပါတယ်။ လက်ရှိမှာလည်း မြန်မာနိုင်ငံတရုတ်ကုန်သည်ကြီးများအသင်းဝင်များက အလုံမြို့နယ်က Royal Rose ကွန်ဒိုအိမ်ယာကိုလည်း ရင်းနှီးမြှုပ်နှံမှုများပြုလုပ်ကာတည်ဆောက်နေတယ်လို့သိရပါတယ်။

 

 

Related News