(၂၀၁၈)ခုနှစ်မြန်မာ့ရုပ်ရှင်ထူးချွန်ဆုပေးပွဲအတွက် စာရင်းဝင်ဇာတ်ကားများကို မတ်လ (၁၀)ရက်မှ အပြီးသတ်အကဲဖြတ်ပြီး ချိတ်ပိတ်သိမ်းဆည်းသွားမယ်လို့သိရပါတယ်။(၂၀၁၈)ခုနှစ်မြန်မာ့ရုပ်ရှင်ထူးချွန်ဆုပေးပွဲအတွက် ဒုတိယအဆင့် စာရင်းဝင်ဇာတ်ကား (၂၅)ကားကိုပထမအဆင့်စိစစ်အကဲဖြတ်မှု အဖြစ်ဖေဖော်ဝါရီလ (၂၂)ရက်မှာ စတင်ပြုလုပ်ခဲ့ပြီး မတ်လ (၆)ရက်မှာတော့ အပြီးသတ်ကြည့်ရှုဖို့စီစဉ်ခဲ့တာလို့ သိရပါတယ်။ မတ်လ(၆)ရက်မှာ နောက်ဆုံးအဆင့် အနေနဲ့ ကြည့်ရှုမှာဖြစ်ပေမယ့် လိုအပ်ပါကဆက်လက်ကြည့်ရှုနိုင်ဖို့ မတ်လ(၁၀)ရက်အထိ အချိန်ယူသွားမှာဖြစ်တယ်လို့ သိရပါတယ်။ဆန်ကာတင်စာရင်းတွေကိုတော့ (၂၅)ကားသာ ထုတ်ပြန်ခဲ့ပြီး နောက်တစ်ဆင့်အတွက် ဆန်ကာတင်စာရင်းကိုတော့ မထုတ်ပြန်တော့ဘူးလို့သိရပါတယ်။ စိစစ်အကဲဖြတ်တဲ့ အကဲဖြတ်အဖွဲ့ဝင်တွေအနေနဲ့ ဘာကြောင့်ပေးရလဲဆိုတဲ့ အကြောင်းပြချက်တွေကို မှတ်သားထားပြီး အချက်အလက်တွေနဲ့တကွရေးသားဖော်ပြကာ ချိတ်ပိတ်သိမ်းဆည်းသွားမှာလို့သိရပါတယ်။ ပွဲကျင်းပမယ့်ရက်နီးကပ်လာမှ သတ်မှတ်ထားတဲ့ တာဝန်ရှိသူ (၃)ဦးကသာ ဖွင့်ဖောက်သွားမှာလို့သိရပါတယ်။မြန်မာရုပ်ရှင်ထူးချွန်ဆုစိစစ်အကဲဖြတ်ရေးအဖွဲ့ (၂၀၁၈)မြန်မာ့ရုပ်ရှင်အဆင့်မြှင့်တင်ရေးအတွက် နှစ်တစ်နှစ်အတွင်း အကောင်းဆုံးထူးချွန်ဆု (၁၁)ဆုအပြင် ထူးခြားသောအနုပညာရှင်အတတ်ပညာရှင်များပေါ်ထွက်လာပါက အထူးဆုတွေကိုပါပေးအပ်သွားမှာဖြစ်တယ်လို့သိရပါတယ်။ မြန်မာ့ရုပ်ရှင်ထူးချွန်ဆုပေးပွဲကို လာမယ့်မတ်လ (၂၃)ရက်မှာThe One Entertainment Park မှာကျင်းပသွားမယ်လို့သိရပါတယ်။

 

 

Related News