လှော်ကားဥယျာဉ်အတွင်းရှိ(mini zoo)အတွင်းမှာ တိရစ္ဆာန်မျိုးစိတ်ပြကွက်မျိုးစုံကိုပြသထားပြီး တိရစ္ဆာန်မျိုးစိတ်ပေါင်း(၁၀၀)ခန့်ကိုပြသထားတယ်လို့ သိရပါတယ်။လှော်ကားဥယျာဉ်ကို (၁၉၅၅)ခုနှစ်မှာ သဘာဝဘေးမဲ့တောအဖြစ် သတ်မှတ်ခဲ့ပြီး (၁၉၈၉)ခုနှစ် စက်တင်ဘာလ(၃၀)ရက် မှာ စတင်ဖွင့်လှစ်နိုင်ခဲ့ပါတယ်။ လှော်ကားဥယျာဉ်ဟာ ဧက(၁၅၄၀)ဧကကျယ်ဝန်းပြီး ဒီဥယျာဉ်ထဲမှာ အများပြည်သူအပန်းဖြေနိုင်ဖို့ဆာဖာရီ ၊mini zoo၊  buffer(ကြားခံဧရိယာ)ဆိုပြီး ဧရိယာ(၃)ပိုင်းခွဲခြားထားပါတယ်။ ဒီအထဲကမှ mini zooအပိုင်းထဲမှာ ရွှေသမင်၊ ကျား၊ ဟိမ၀န္တာဝက်ဝံ၊ ပသျှူးဝက်ဝံ၊ လိပ်၊ မိကျောင်း၊ ကြောင်၊ ငှက်မျိုးစုံပြကွက် ၊ မြွေစတဲ့ တိရစ္ဆာန်မျိုးစိတ်ပြကွက်တွေကို ပြသထားပြီး လက်ရှိစာရင်း ကောက်ယူ မှုတွေအရ တိရစ္ဆာန်မျိုးစိတ်(၁၀၀)ခန့်ရှိနေပြီး အဲဒီ့အထဲကတစ်ချို့တိရစ္ဆာန်မျိုးစိတ်တွေကတော့ တစ်ဖြည်းဖြည်းရှားပါးလာပြီး မျိုးတုန်းလုနီးပါး အခြေအနေကို ရောက်ရှိနေပြီလိုို့ လှော်ကားဥယျာဉ် အုပ်ချုပ်ရေးမှူး ဦးဆန်းဝင်းအောင်က ပြောပါတယ်။

လှော်ကားဥယျာဉ်ရှိ (mini zoo)မှာ တိရစ္ဆာန်မျိုးစိတ်တွေကို သဘာဝအတိုင်းကျုးံစနစ်နဲ့ပြသထားပြီး လက်ရှိမှာတော့ ရွှေသမင်(၁၃)ကောင် ၊ကျား(၄)ကောင်၊ မိကျောင်း(၂)ကောင်၊လိပ်(၁၉)ကောင်၊ ပသျူးဝက်ဝံ(၂)ကောင်၊ ဟိမ၀န္တာဝက်ဝံ(၁၀)ကောင်၊ ကြောင်၊ ငှက်အမျိုးမျိုးကိုပြသ ထားပြီး လာရောက်လည်ပတ်သူတွေ လေ့လာကြည့်ရူနိုင်မှာ ဖြစ်ပါတယ်။ ဒါ့အပြင် လာရောက်လည်ပတ်သူတွေဗဟုသုတ ရရှိစေဖို့ သဘာဝ ပြခန်း(၁)နှင့် (၂)ကိုလည်းပြသထားပြီး အဲဒီပြခန်းတွေမှာ ရုပ်လုးံသွင်းထားတဲ့တိရစ္ဆာန်တွေ ၊ဝေလငါးအရိုးစုတွေကိုလည်း ပြသထားပါတယ်။

လှော်ကားဥယျာဉ်အတွင်း လာရောက်လည်ပတ်သူတွေအနေနဲ့ မျောက်တွေအများဆုးံရှိတဲ့ ဆာဖာရီအပိုင်းကို အဓိကလာရောက်လည်ပတ်မှု တွေရှိပြီး (mini zoo)အပိုင်းကိုတော့ လည်ပတ်မှု နည်းနေတယ်လို့ လှော်ကားဥယျာဥ်အုပ်ချုပ်ရေးမှူး ဦးဆန်းဝင်းအောင်က အခုလို ပြောပါတယ်။လှော်ကားဥယျာဉ်အတွင်း(mini zoo)မှာရှိတဲ့ တိရစ္ဆာန်တွေကို နေ့စဉ်နံနက်တစ်ကြိမ် ၊ညနေတစ်ကြိမ်မှာ အစာကျွေးမွေးပြီး သဘာဝအတိုင်း နေထိုင်နိုင်အောင်စီစဉ်ပေးထားတယ်လို့သိရပါတယ်။ လှော်ကားဥယျာဉ်မှာ အပန်းဖြေလည်ပတ်နိုင်ဖို့ နေ့စဉ်နံနက်(၈)နာရီကနေညနေ (၅)အထိ ဖွင့်လှစ်ထားပြီး  ၀င်ကြေးနှုန်းထားတွေအနေနဲ့ ကလေးတစ်ဦးကို(၅၀၀)ကျပ် ၊ လူကြီးတစ်ဦးကို(၁၀၀၀)ကျပ် သတ်မှတ်ထားတယ်လို့ သိရပါတယ်။

 

 

Related News