မြန်မာ့သနပ်ခါးပွဲတော်ကို မတ်လ(၂၉) ရက်မှစတင်ပြီး မန္တလေးမြို့ မဟာသကျမာရဇိန် ကျောက်တော်ကြီးဘုရားပရဝုဏ်မှာကျင်းပပြုလုပ်နေပါတယ်။မြန်မာ့သနပ်ခါးပွဲတော်ကို မြန်မာနိုင်ငံ သနပ်ခါးစိုက်ပျိုးထုတ်လုပ်ရောင်းချသူများအသင်းက ကြီးမှူး ကျင်းပနေတာ ဖြစ်ပါတယ်။ မြန်မာ့ရိုးရာယဉ်ကျေးမှုအမွေအနှစ်ကို ထိန်းသိမ်းရန်နဲ့ သနပ်ခါးကို မြတ်နိုးတန်ဖိုးထားတတ်စေရန်၊ အရည်အသွေးကောင်းတဲ့ သနပ်ခါးစိုက်ပျိုးကာ နိုင်ငံတကာကို တင်ပို့ရောင်းချကာ နိုင်ငံခြားဝင်ငွေ ရရှိစေရန်၊ သနပ်ခါးစိုက်တောင်သူတွေ သနပ်ခါးကို စနစ်တကျ စိုက်ပျိုးတတ်စေရန် ရည်ရွယ်ပြီး ကျင်းပတာဖြစ်တယ်လို့မြန်မာနိုင်ငံသနပ်ခါးစိုက်ပျိုးထုတ်လုပ် ရောင်းချသူများအသင်းတာဝန်ရှိသူတစ်ဦးက ပြောပါတယ်။အခုကျင်းပနေတဲ့ မြန်မာ့သနပ်ခါးပွဲတော်ကို မတ်လ(၂၉)ရက်မှ (၃၁)ရက်အထိ (၃) ရက်ကြာပြုလုပ်သွားမယ်လို့သိရပါတယ်။ ဒီပွဲမှာ သနပ်ခါးစိုက်ဒေသတွေဖြစ်တဲ့ ရေစကြို၊ မြိုင်၊ ပခုက္ကူ မြို့နယ်ကထွက်တဲ့ ရှင်မ တောင်သနပ်ခါး၊ အရာတော်၊ ရွှေဘိုစတဲ့ ဒေသတွေက ထွက်တဲ့ မြန်မာ့ရိုးရာသနပ်ခါးနဲ့ သနပ်ခါးထုတ်ကုန်တွေကို ဆိုင်ခန်းပေါင်း (၂၀) ကျော်နဲ့   ပြသရောင်းချနေတယ်လို့ သိရပါတယ်။မြန်မာနိုင်ငံ သနပ်ခါးစိုက်ပျိုးထုတ်လုပ်ရောင်းချသူများအသင်းကို (၂၀၁၇) ခုနှစ်က စတင်ဖွဲ့စည်းခဲ့ပြီး အသင်းဝင် (၅၀၀) ကျော်နဲ့ မြန်မာ့သနပ်ခါးဖွံ့ဖြိုးတိုးတက်ရေးအတွက်ဆောင်ရွက်နေတယ်လို့သိရပါတယ်။

 

 

Related News