မြန်မာ့ရိုးရာသင်္ကြန်ကို သံချပ်တွေနဲ့ဖော်ကျူးဖို့ သံချပ်အဖွဲ့တွေပြင်ဆင်နေကြပါပြီ ဒီထဲမှာ  မြန်မာပြည်နိဒါန်း သံချပ်အဖွဲ့လည်း သံချပ်တွေနဲ့ဖျော်ဖြေဖို့ အဖွဲ့လိုက်သံချပ်တိုက်တာတွေပြုလုပ်နေပါတယ်။သင်္ကြန်ရဲ့သံချပ်အရသာကို(၂၀၁၂)ခုနှစ်မှာဗေလုဝ ၊ မေတ္တာ ၊ကုသိုလ်တို့ ဟာသသရုပ်ဆောင်သုးံဦးပေါင်းပြီး သာဓုပါဗျာ သံချပ်ထွက်ရင်းနဲ့ သံချပ်ဆိုတာကိုပြည်သူတွေနဲ့ ပြန်လည် မိတ်ဆက်ပေးခဲ့ပါတယ်။ အဲဒီ့နောက် သရုပ်ဆောင်ဗေလုဝဦး ဆောင်တဲ့မြန်မာပြည်နိဒါန်းသံချပ်အဖွဲ့ကို (၂၀၁၇)ခုနှစ်မှာ စတင်တည်ထောင်ခဲ့ပြီး သင်္ကြန်ကာလမှာ သံချပ်တွေနဲ့ဖျော်ဖြေခဲ့ တာ အခုဆိုရင်(၃)နှစ်တာကာလကိုရောက်ရှိလာပါပြီ။ မြန်မာပြည်နိဒါန်းသံချပ်အဖွဲ့အနေနဲ့ နှစ်စဉ်သင်္ကြန်မှာ ဆုပေးမဏ္ဍပ် တွေမှာ ယှဉ်ပြိုင်ခဲ့သလို ပြည်သူတွေကိုလည်းလိုက်လံဖျော်ဖြေခဲ့တယ်လို့ သိရပါတယ်။ဲ့မြန်မာပြည်နိဒါန်းသံချပ်အဖွဲ့ဟာ ဒီနှစ် မှာတော့ အရင်နှစ်တွေကထက် ပိုပြီးထူးထူးခြားခြားဖျော်ဖြေနိုင်အောင် အဖွဲ့ဝင်အင်အား(၇၀)ခန့်နဲ့ သံချပ်အဖွဲ့ကိုဖွဲ့စည်း ထားပါတယ်။

ရန်ကုန်သင်္ကြန်ကို စည်ကားစေလိုတဲ့ရည်ရွယ်ချက် သံချပ်တွေပျောက်ကွယ်သွားမှာစိုးရိမ်တဲ့ရည်ရွယ်ချက်တွေနဲ့ ရန်ကုန်ပရိသတ်ကို သံချပ်တွေနဲ့ နှစ်စဉ်ဖျော်ဖြေသွားမယ်လို့ မြန်မာပြည်နိဒါန်းသံချပ်အဖွဲ့ အဖွဲ့ခေါင်းဆောင် သရုပ်ဆောင် ဗေလုဝက ပြောပါတယ်။သံချပ်ဆိုတာခေတ်စနစ်ရဲ့ပုံရိပ်ထင်ဟပ်မှုတွေကို အနုပညာရသမြောက်အောင် ပြည်သူတွေဆီကို တိုက်ရိုက်တင်ဆက်ပေးတဲ့ အရာပဲဖြစ်ပါတယ်။ အဲဒီလိုရသမြောက်တဲ့သံချပ်တွေဖြစ်လာအောင် နိင်ငံရေးနယ်ပယ်မှာ ဖြတ်သန်းခဲ့သူတွေနဲ့ အနုပညာရှင် တွေက ခေတ်အဆက်ဆက် လက်ဆင့်ကမ်း အမွေပေးခဲ့တာလို့ သိရပါတယ်။ လက်ရှိမှာတော့ မြန်မာပြည်နိဒါန်းသံချပ်အဖွဲ့ အနေနဲ့ သံချပ်စာသားတွေကို ရန်ကုန်တိုင်းဒေသကြီးအစိုးရအဖွဲ့ သံချပ်စိစစ်ရေးကော်မတီကို တင်ပြထားပြီး တိုင်းပြည်ကို အကျိုးပြုစေမယ့် စာသားတွေအပြင် ဆန်းသစ်တဲ့ပြက်လုးံ၊ ကကွက်တွေနဲ့ တင်ဆက်ဖို့ စီစဉ်ထားတယ်လို့ မြန်မာပြည်နိဒါန်း သံချပ်အဖွဲ့က ကိုကျော်ဝေဖြိုးနိုင်နဲ့ ကိုကောင်းဟိန်းတို့က လည်း အခုလိုပြောပါတယ်။သံချပ်တွေကိုနှစ်စဉ် တိုင်းဒေသြ့ကီးနဲ့မြို့နယ်အသီးသီးက တင်ဆက်ဖျော်ဖြေနေကြပါတယ်။ ဒီနှစ်မှာလည်း  ရန်ကုန်က သံချပ်တွေ ဟာအနုပညာအဂါင်္ရပ်စုံတဲ့သံချပ်တွေဖြစ်ဖို့အတွက် ပြင်ဆင်နေကြတာဘဲဖြစ်ပါတယ်။ ရန်ကုန်မှာ တောင်ဥက္ကလာပ မြို့နယ်၊ ကြည့်မြင်တိုင်မြို့နယ် ၊ပုဇွန်တောင်ရေကျော်စတဲ့ နေရာတွေက သံချပ်ထိုးသူတွေအများအပြားထွက်ပေါ်ခဲ့ပါတယ်။

 

 

Related News