မန္တလေးတိုင်းဒေသကြီးအစိုးရနဲ့ပုဂ္ဂလိက ပူးပေါင်းဆောင်ရွက်တဲ့  Mixed-Use Development Project အတွက် စီးပွားရေးဆိုင်ရာ အဆောက်အအုံများ တည်ဆောက်ရန်မြေနေရာ ပန္နက်တင်အခမ်းအနားကို မန္တလေးမြို့၊ သိပ္ပံလမ်းမှာ မေလ(၂၈)ရက်က ပြုလုပ်ခဲ့ပါတယ်။ မန္တလေးမြို့“စီးပွားရေးဆိုင်ရာအဆောက်အဦများပါဝင်သည့် Mixed-Use Development Project”ကို မန္တလေးမြို့ချမ်းမြသာစည်မြို့နယ်၊ မြို့သစ်(၁) ရပ်ကွက်၊ ၆၉လမ်းနှင့်၇ဝလမ်းကြား၊ ပိတောက်လမ်းနှင့်သိပ္ပံလမ်းကြားရှိ မြေဧရိယာ(၅.၆၆၅၂)ဧကကျယ်ဝန်းတဲ့ မန္တလေးတိုင်းဒေသကြီးအစိုးရစီမံခန့်ခွဲပိုင်ခွင့်ရှိတဲ့ မြေပေါ်မှာဆောင်ရွက်မှာ ဖြစ်ပါတယ်။ Mixed-Use Development Project မန္တလေးတိုင်းဒေသကြီးအစိုးရအဖွဲ့နဲ့ တင်ဒါအောင်မြင်ခဲ့တဲ့ Taungthaman Perennial(ပရယ်နီရယ်) Development Limited တို့က Public Private Partnership(PPP) ပုံစံနဲ့ ပူးပေါင်းဆောင်ရွက်တာ ဖြစ်ပြီး ရရှိမယ့်မြေငှားရမ်းခနဲ့ အကျိုးမြတ်ကို ပြည်သူလူထုဖွံ့ဖြိုးတိုးတက်ရေးအတွက် ဆက်လက်ဆောင်ရွက်သွားမယ်လို့ မန္တလေးတိုင်းဒေသကြီးဝန်ကြီးချုပ် ဒေါက်တာဇော်မြင့်မောင်က ပြောပါတယ်။

Mixed Use Development Project မှာ Community Center, Innovation Center, International Level Shopping Mall နှင့် Exclusive Luxury Vills နဲ့ အများပြည်သူအပန်းဖြေနားနေနိုင်ရန်နေရာတွေပါ ပုံစံထည့်သွင်းရေးဆွဲထားတယ်လို့ သိရပါတယ်။ Project အတွက် ရင်းနှီးမြှုပ်နှံမှုမှာ အမေရိကန်ဒေါ်လာသန်းပေါင်း(၆၅)သန်းဖြစ်ပြီး တည်ဆောက်ရေး ကာလအနေနဲ့ (၃)နှစ်နဲ့(၄)နှစ်ကြားကြာမြင့်မယ်လို့ သိရပါတယ်။ တင်ဒါအောင်မြင်တဲ့ Taungthaman Perennial Development Limited ကို Capital Diamond Star Limited  နဲ့ Perennial Real Estate Holding Limited တို့က ပူးပေါင်းဆောင်ရွက်တာ ဖြစ်ပါတယ်။

မန္တလေးမြို့၊ Mixed-Use Development Project နဲ့ပတ်သက်ပြီး မန္တလေးတိုင်းဒေသကြီးအစိုးရအဖွဲ့သို့ကုမ္ပဏီမှ Commerical Component စတင်လည်ပတ်ချိန်မှ(၁)လအတွင်း(မြေအသုံးချစရိတ်)အတွက်ရန်ပုံငွေမြန်မာကျပ်ငွေသန်း(၂ဝဝဝ)အားပေးသွင်းရမှာဖြစ်ပြီး Retail Mall (Rental)ငှားရမ်းခများဆိုင်ရာအသားတင်အမြတ်၏ (၅ရာခိုင်နှုန်း)အားအမြတ်ငွေခွဲဝေမှုအနေဖြင့်ပေးသွင်းရမှာဖြစ်ကြောင်း နဲ့ Shopping Mall (Shop House Units များမပါ) နှစ်စဉ်ငှားရမ်းခအနေဖြင့်မြန်မာကျပ်ငွေသန်း(၁ဝဝဝ)အားနှစ်စဉ်ဘဏ္ဍာရေးနှစ်၏ နောက်ဆုံးရက်မှာ ပေးသွင်းရမယ်လို့သိရပါတယ်။ မန္တလေးမြို့၊ သိပ္ပံလမ်းပေါ်မှာတည်ဆောက်မယ့်Mixed-Use Development Projectမြေနေရာပန္နက်တင်အခမ်း အနားကိုမန္တလေးတိုင်းဒေသကြီးဝန်ကြီးချုပ်ဒေါက်တာဇော်မြင့်မောင်နှင့် တိုင်းဒေသကြီးအစိုးရအဖွဲ့ဝင်ဝန်ကြီးများ၊ မန္တလေးတိုင်းဒေသကြီး လွှတ်တော် ဥက္ကဋ္ဌနဲ့လွှတ်တော်ကိုယ်စားလှယ်များနဲ့တာဝန်ရှိသူများတက်ရောက်ခဲ့ကြပါတယ်။

 

 

Related News