မြန်မာနိုင်ငံယှဉ်ပြိုင်မှုကော်မရှင်မိတ်ဆက်ပွဲကို ဇွန်လ(၁၀)ရက်က နေပြည်တော် သင်္ဂဟဟိုတယ်မှာ ပြုလုပ်ခဲ့ပါတယ်။ သိရပါတယ်။မြန်မာနိုင်ငံယှဉ်ပြိုင်မှုဥပဒေကိုတော့ ပြီးခဲ့တဲ့ အစိုးရလက်ထက်(၂၀၁၅)ခုနှစ်မှာပြဋ္ဌာန်းခဲ့တာဖြစ်ပြီး (၂)နှစ်အကြာ (၂၀၁၇)ခုနှစ်မှာ ဥပဒေ စတင်အသက်ဝင်တာဖြစ်ပါတယ်။ ဥပဒေအရ ယှဉ်ပြိုင်မှုကော်မရှင်ကို (၂၀၁၈)ခုနှစ် အောက်တိုဘာ လမှာ ဖွဲ့စည်းခဲ့တာဖြစ်ပြီး ပြည်ထောင်စုဝန်ကြီး ဒေါက်တာသန်းမြင့်က ဥက္ကဋ္ဌအဖြစ် တာဝန်ယူကာ ဘက်ပေါင်းစုံက ပညာရှင် တွေပါတဲ့ အဖွဲ့ဝင်(၁၁)ဦးနဲ့ ဖွဲ့စည်းခဲ့တာဖြစ်ပြီး မြန်မာနိုင်ငံယှဉ်ပြိုင်မှုဥပဒေမှာ အပ်နှင်းထားတဲ့ လုပ်ငန်းတွေကို အကောင်အထည်ဖော်ဆောင်ရွက်နိုင်ဖို့အတွက်  ဖွဲ့စည်းရခြင်းဖြစ်တယ်လို့ သိရပါတယ်။မြန်မာနိုင်ငံယှဉ်ပြိုင်မှု ကော်မရှင်ကိုတော့ ဈေးကွက်အတွင်း ဈေးနှုန်းထိန်းချုပ်ရောင်းချနေတာ၊ ဈေးကွက်ပေါက်ဈေးနဲ့ ကိုက်ညီမှုမရှိတဲ့ ဈေးနှုန်းတွေနဲ့ရောင်းချနေတာ၊ မတန်တဆဈေးလျှော့ရောင်းချတာ အပါအ၀င်ယှဉ်ပြိုင်သူအသစ်များ ၀င်ရောက်လာတာကို မတရားနည်းလမ်းဖြင့်တားဆီးတာ၊ သမာရိုးကျမဟုတ်တဲ့ လက်ဝါးကြီးအုပ် လုပ်ငန်းရရှိနေတာ တွေကို တိုင်ကြားနိုင်မှာဖြစ်ပြီး တင်ဒါနဲ့ ပတ်သက်တာတွေကိုလည်း တိုင်ကြားနိုင်မှာဖြစ်ပါတယ်။

ဥပဒေထဲမှာတော့ တားမြစ်ချက်တွေ ဖောက်ဖျက်ရင် ထောင်ဒဏ်(၃)လကနေ (၃)နှစ်အထိနဲ့ ငွေဒဏ်ကျပ်(၁)သိန်းကနေ သိန်း(၁၅၀)အထိ ဒါမှမဟုတ် ပြစ်ဒဏ်နှစ်ခုစလုံးကို ကျခံနိုင်ပါတယ်။ဒါ့အပြင် ထပ်မံထွက်ရှိလာမယ့် အမိန့်ညွှန်ကြားချက်တွေ ဖောက်ဖျက်ရင်လည်း လုပ်ငန်းကို ယာယီ ဒါမှမဟုတ် ရာသက်ပန် ပိတ်သိမ်းဖို့အထိ အရေးယူနိုင်တယ်လို့ သိရပါတယ်။ တိုင်ကြားမှုတွေကိုတော့ တစ်ပတ်အတွင်း စုံစမ်းရေးအဖွဲ့ ဖွဲ့ကာ စစ်ဆေးမှာဖြစ်ပြီး ကော်မရှင်ဆုံးဖြတ်ချက်ကို ရက်ပေါင်း(၆၀)အတွင်း အယူခံပိုင်ခွင့်ရှိတယ်လို့ အဆိုပါ ကော်မရှင်ထံက သိရပါတယ်။မြန်မာနိုင်ငံယှဉ်ပြိုင်မှုကော်မရှင်မိတ်ဆက်ပွဲကို နေပြည်တော်နဲ့ ရန်ကုန်တိုင်းဒေသကြီးတို့မှာ ပြုလုပ်ခဲ့ပြီးဖြစ်သလို မန္တလေးတိုင်းဒေသကြီးမှာလည်း ပြုလုပ်သွားမယ်လို့ သိရပါတယ်။

 

 

Related News