မြန်မာနိုင်ငံရဲ့ ပထမဆုံး ဆင်ပြတိုက်ကို မတ်လ(၃)ရက်က စတင်ဖွင့်လှစ်ခဲ့ပြီး ဖွင့်လှစ်ချိန်မှ စတင်ကာ(၃)လကြာ အခမဲ့ ၀င်ရောက်လေ့လာခွင့်ပြုခဲ့ပါတယ်။ အခုအခါမှာတော့ ၀င်ကြေးသတ်မှတ်လိုက်ပြီဖြစ်ပါတယ်။မြန်မာနိုင်ငံရဲ့ ပထမဆုံးဆင်ပြတိုက်ကို ရန်ကုန်တိရစ္ဆာန်ဥယျာဉ်တွင်းမှာဖွင့်လှစ်ထားတာဖြစ်ပါတယ်။ မြန်မာနိုင်ငံရဲ့ မျိုးသုဉ်းပျောက်ကွယ်သွားနိုင်တဲ့ တောရိုင်းတိရစ္ဆာန်တွေထဲမှာ ဆင်တွေပါဝင်တာကြောင့် လက်ရှိမှာ နိုင်ငံတော် အစိုးရအနေနဲ့ ဆင်တွေကို မျိုးသုဉ်းပျောက်ကွယ်မသွားအောင် လုံးဝကာကွယ်ထားတဲ့တောရိုင်းတိရစ္ဆာန်အဖြစ် ထိန်းသိမ်းစောင့်ရှောက်နေတာပါ။ ဒါ့ကြောင့် နောင်တစ်ချိန်မှာ မျိုးသုဉ်းပျောက်ကွယ်သွားနိုင်တဲ့ မြန်မာ့ဆင်တွေရဲ့သမိုင်းကြောင်းများ၊ အလေ့အထများ၊ ဆင်တွေရဲ့အသုံးဝင်ပုံများ၊ဆင်တွေကို တရားမ၀င်သတ်ဖြတ်မှုများ၊ တရားမ၀င် ရောင်းဝယ်နေမှုများကို ပပျောက်စေရန်နဲ့ ဆင်တွေကို မြတ်နိုးထိန်းသိမ်းလိုစိတ် ဖြစ်ပေါ်လာစေရန်အတွက် ဖွင့်လှစ်ခဲ့တာလို့ သိရပါတယ်။

ဆင်ပြတိုက်ကို မတ်လ(၃)ရက်က စတင်ဖွင့်လှစ်ပြီး သုံးလအထိ ပြည်သူတွေကို အခမဲ့ဝင်ရောက်ကြည့်ရှု ခွင့်ပြုပေးထားတာဖြစ်ပါတယ်။ နောက်ပိုင်းမှာတော့ ပြတိုက်ကို ရေရှည်ထိန်းသိမ်းနိုင်စေဖို့အတွက် ၀င်ကြေးအဖြစ် လူကြီးတစ်ဦးကို ငွေကျပ်(၅၀၀) ၊ နိုင်ငံခြားသားတစ်ဦးကို ငွေကျပ်(၁၀၀၀)သတ်မှတ်ထားပြီး ရဟန်းသံဃာ၊ သီလရှင်နဲ့ ကလေးငယ်တွေကိုတော့ ၀င်ကြေးအခမဲ့ သတ်မှတ်ထားတာဖြစ်တယ်လို့ သိရပါတယ်။ဆင်ပြတိုက်မှာ ဆင်ကျောက်ဖြစ်ရုပ်ကြွင်းမျိုးစိတ်များ၊ ဆင်ရိုးစုနဲ့ ဆင်စွယ်များ၊ ဆင်စာအုပ်နဲ့ မှတ်တမ်းများ၊ ဆင်ချပ်ဝတ်တန်ဆာများ၊ ခလောက်၊ ဆူးလိမ်၊တွဲကြိုးစတဲ့ ဆင်အသုံးဆောင်ပစ္စည်းများ၊ဆင်သားရေများ၊ဆင်ထိန်းသိမ်းစောင့်ရှောက်တဲ့ မှတ်တမ်းဓာတ်ပုံများ၊ဆင်နှင့်သဘာဝ ပတ်ဝန်းကျင်အပြန်အလှန်အကျိုးပြုမှု ပန်းချီကားများ၊ ရှေးမြန်မာနန်းတွင်းရဲ့ ဆင်အသုံးပြုပုံများ စတာတွေကိုခင်းကျင်းပြသထားတာဖြစ်ပါတယ်။

 

 

Related News