သဘာဝသမိုင်းပြတိုက်မှာရှိတဲ့ နို့တိုက်သတ္တ၀ါနှင့်ငှက်များပြခန်းကို ယခုလပိုင်းက စပြီး လာရောက်လေ့လာသူနည်းပါး တယ်လို့ ပြတိုက်တာဝန်ခံက ပြောပါတယ်။သဘာဝသမိုင်းပြတိုက်ကိုလာရောက်လည်ပတ်တဲ့ အများပြည်သူတွေနဲ့ ကျောင်းသားကျောင်းသူတွေကို စိတ်အပန်းဖြေစေဖို့၊ ပြင်ပဗဟုသုတ ရရှိစေဖို့ အတွက် ဖွင့်လှစ်ခဲ့တာဖြစ်တယ်လို့ သိရပါတယ်။ သဘာဝသမိုင်းပြတိုက်မှာရှိတဲ့ နို့တိုက်သတ္တ၀ါနှင့်ငှက်များပြခန်းကို (၁၉၇၈)ခုနှစ် ၊ ဇန်န၀ါရီလမှာ စတင်ဖွင့်လှစ်ခဲ့တာ ဖြစ်ပါတယ်။ အဆိုပါ ပြတိုက်ကိုတော့ ကျောင်းသား၊ ကျောင်းသူတွေနဲ့  ဘူမိဗေဒနဲ့ သတ္တဗေဒ ကျောင်းသား/သူတွေက အဓိကလာရောက်လည်ပတ်ကြတာဖြစ်တယ်လို့ သိရပါတယ်။သဘာဝသမိုင်းပြတိုက် နို့တိုက်သတ္တ၀ါနဲ့ ငှက်များပြခန်းမှာတော့ နို့တိုက်ရုပ်လုံးသွင်းအကောင်ရေ(၁၀၆)ကောင်၊ နို့တိုက်ရုပ်လုံးသွင်းအမျိုးပေါင်း(၇၂)မျိုး နဲ့ ကျေးငှက်ရုပ်လုံးသွင်းအကောင်ရေ (၃၇၅)ကောင်၊ ကျေးငှက်ရုပ်လုံးသွင်း အမျိုးပေါင်း(၁၁၉)မျိုးရှိတယ်လို့ သိရပါတယ်။ တနင်္လာနေ့မှ သောကြာနေ့အထိ လာရောက်လည်ပတ်သူအယောက်(၁၀၀)ကျော်၊ စနေနဲ့ တနင်္ဂနွေနေ့တွေမှာတော့ အယောက်(၃၀၀)အထိ လာရောက်လည်ပတ်ကြတယ်လို့ သိရပါတယ်။သစ်တောဦးစီးဌာနအနေနဲ့  အများပြည်သူတွေလေ့လာနိုင်ဖို့အတွက်  နို့တိုက်သတ္တ၀ါနှင့် ငှက်များပြခန်းမှာရှိတဲ့ ရုပ်လုံးသွင်းအကောင်လေးတွေကို သဘာဝဘေးမဲ့တော(၇)ခုမှာ ထားရှိသွားမှာဖြစ်တယ်လို့ သိရပါတယ်။

 

 

Related News