မြောက်ဒဂုံမြို့နယ်ရှိ ဈေးတန်းများ စစ်ဆေးမှုမှာ မျှစ်နဲ့ ငရုတ်သီးဆိုးဆေးတွေ အများဆုံး တွေ့ရှိခဲ့ပါတယ်။  မြန်မာနိုင်ငံ စားသုံးသူကာကွယ်ရေးအသင်းမှ မြောက်ဒဂုံမြို့နယ်အတွင်း  အောက်တိုဘာလ(၁၄)ရက်နေ့က လိုက်လံ စစ်ဆေးရာမှာ တွေ့ရှိတာဖြစ်ပါတယ်။

 ဈေးတန်းတွေ၊ ကုန်စုံဆိုင်တွေမှာ မှိုတက်ပြီး ဆိုးဆေးပါတဲ့ ငြုပ်သီးများ၊FDA  တံဆိပ် မပါရှိတဲ့ အချိုမှုန့်၊ ငါးပိ၊ ငါးခြောက်တွေနဲ့ တရားဝင် ပိတ်ပင်ထားတဲ့ ကျင်းတုံခြင်ဆေးခွေတွေကို လိုက်လံသိမ်း ဆည်းခဲ့တာပါ။ ဒီလို တရားမ၀င်ဆိုးဆေးတွေအသုံးပြုတာကို လက်ဝယ်တွေ့ရှိနေပေမဲ့ ဖမ်းဆီးအရေးယူမှုတော့ မရှိသေးပါဘူး။

 မြန်မာနိုင်ငံ စားသုံးသူကာကွယ်ရေးအသင်းအနေနဲ့ လိုက်လံစစ်ဆေးရာမှာ မှိုတက်ပြီး ဆိုးဆေးအသုံးပြုထားတဲ့ ငြုပ်သီးတွေကို သိမ်းဆည်းခဲ့ပြီး ဈေးရောင်းသူတွေကတော့ စားသုံးသူတွေရဲ့ ၀ယ်ယူနိုင်မှုပမာဏနဲ့ ပတ်သက်လို့ သူတို့အတွေ့အကြုံကို ပြောပါတယ်။

 ဆိုးဆေးတွေနဲ့ တရားဝင်တားမြစ်ထားတဲ့ စားသောက်ကုန်ပစ္စည်းတွေ အတွက်  စားသုံးသူကာကွယ်ရေး ဥပဒေရေးဆွဲနေတယ်လို့ မြန်မာနိုင်ငံ စားသုံးသူကာကွယ်ရေးအသင်းက ပြောပါတယ်။ ဒီဥပဒေရေးဆွဲပြီးရင်တော့ ဆိုးဆေးနဲ့ တားမြစ်စားသောက်ကုန်တွေကို ရောင်းချပါက တရားဥပဒေနဲ့အညီ ဖမ်းဆီးအရေးယူသွားမယ်လို့ သိရပါတယ်။      

 

Related News