ဦးနှောက်သွေးကြောပိတ်လေဖြတ်သူတွေကို သွေးခဲပျော်ဆေးနဲ့ကုသနည်းကို ရန်ကုန်ပြည်သူ့ ဆေးရုံကြီးမှာသာမက နေပြည်တော် ကုတင်(၁၀၀၀)ဆေးရုံကြီးနဲ့ မန္တလေး အထွေထွေရောဂါကု ဆေးရုံကြီးတွေမှာပါ ကုသပေးနိုင်အောင်စီစဉ်နေတယ်လို့ သိရပါတယ်။ အခုနှစ်အတွင်း ဦးနှောက်သွေးကြောပိတ်လေဖြတ်မှုခံစားနေရတဲ့ လူနာ ၄၀ ကို ရန်ကုန် ပြည်သူ့ဆေးရုံကြီးမှာ သွေးခဲပျော်ဆေးနဲ့ကုသပေခဲ့ပြီး အများစုက ရောဂါလက္ခဏာ ပျောက်ကင်းခဲ့တယ်လို့ သိရပါတယ်။

ရန်ကုန်ပြည်သူ့ဆေးရုံကြီး ဦးနှောက်နဲ့ အာရုံကြောဆေးကုဌာမှာ (၂၀၁၅)ဒီဇင်ဘာကစပြီး ကုတင်(၄)လုံးဆန့် လေဖြတ်ရောဂါအထူးကုသဆောင်ကို ဖွင့်လှစ်ကုသ နေတာဖြစ်ပြီး မန်္တလေးနဲ့နေပြည်တော်မှာပါ တိုးချဲ့ဖို့စီစဉ်နေတာပါ။ကမ္ဘာပေါ်မှာ (၂၀၁၅)ခုနှစ်က လေဖြတ်ရောဂါကြောင့် သေဆုံးသူ(၅ဒဿမ၇)သန်း ရှိခဲ့ပြီး (၈၇)ရာခိုင်နှုန်းမှာ ဖွံ့ဖြိုးဆဲနိုင်ငံများတွေကလို့ သိရပါတယ်။

လက်ရှိ ပြည်တွင်းမှာတော့ လေဖြတ်ရောဂါလူနာများအတွက်တော့ အခမဲ့ကုသပေးနေတယ်လို့သိရပါတယ်။ လေဖြတ်ရောဂါဟာ ကြိုတင်ကာကွယ်နိုင်ပြီးပြည်တွင်းမှာတော့ ကမ္ဘာ့လေဖြတ်ရောဂါ ကာကွယ်ရေးနေ့ ကျင်းပကာလေဖြတ်ရောဂါနဲ့ သက်ဆိုင်တဲ့ ဗဟုသုတတွေမျှဝေနေတာ အခုနှစ်နဲ့ဆို (၆)ကြိမ်မြောက်ရှိပြီလို့လည်း သိရပါတယ်။

 

 

 

Related News