ရွှေပြည်သာတစ်မြို့နယ်လုံး ဇီကာဗိုင်းရပ်စ် ကြိုတင်ကာကွယ်ရေးတွေ လုပ်ဆောင်ဖို့အတွက် အလုပ်ရုံဆွေးနွေးပွဲကို နိုဝင်ဘာလ(၁၃)ရက်က ပြုလုပ်သွားပါတယ်။ ဒီဆွေးနွေးပွဲကို ရွှေပြည်သာ မြို့နယ်တွင်းက အရပ်ဘက်လူမှုအဖွဲ့အစည်း ဆယ်ရာခိုင်နှုန်းကျော် တက်ရောက်ခဲ့ပြီး ခြင်ကျားနဲ့ ပိုးလောက်လန်းနှိမ်နင်းရေးအတွက် အဓိကထားဆွေးနွေးခဲ့ကြပါတယ်။ရွှေပြည်သာမြို့နယ်အတွင်း  အရပ်ဘက်လူမှုအဖွဲ့အစည်းတွေက ခြင်ကျားလောက်လန်း နှိမ်နှင်းရေးကို ရွှေပြည်သာမြို့နယ်နေပြည်သူတွေ စိတ်ဝင်စားပြီး ပါဝင်လာဖို့အတွက် အလုပ်ရုံ ဆွေးနွေးပွဲလုပ်ပြီး အဖြေရှာဖို့ အကြံရခဲ့တယ်လို့ ပွဲစီစဉ်သူတစ်ဦးကဆိုပါတယ်။

ဇီကာဗိုင်းရပ်စ်ကူးစက်ခံရသူ နေထိုင်ခဲ့တဲ့ စမ်းချောင်းမြို့နယ်တစ်ဝိုက်ကို ခြင်ကျားနဲ့ ပိုးလောက်လန်းနှိမ်နင်းရေးတွေ အလေးထား လုပ်ဆောင်ပေးခဲ့သလို အခြားမြို့နယ်တွေက တာဝန်ရှိသူတွေနဲ့ နေထိုင်သူတွေကလည်း သူတို့မြို့နယ်ကို ဇီကာဗိုင်းရပ်စ်အန္တရာယ် ကာကွယ်ရေးတွေ လုပ်ဆောင်ပေးဖို့ လိုလားနေတာပါ။ အဲဒီမြို့တွေထဲမှာ ရွှေပြည်သာမြို့နယ်လည်း အပါအဝင်ဖြစ်ပြီး အရပ်ဖက် လူမှုအဖွဲ့အစည်းတွေကပါ ပါဝင်ဆောင်ရွက်ဖို့ အလုပ်ရုံဆွေးနွေးပွဲ လုပ်ဖြစ်တယ်လို့ သိရပါတယ်။ရွှေပြည်သာမြို့နယ်အတွင်း ဇီကာဗိုင်းရပ်စ်ကာကွယ်ရေးတွေလုပ်ဆောင်ဖို့အတွက် နိုဝင်ဘာလ (၁၁)ရက်က ဌာနဆိုင်ရာအစည်းအဝေးပြုလုပ်ခဲ့ပြီး မြို့နယ်ကျန်းမာရေးဦးစီးဌာနနဲ့ အထွေထွေ အုပ်ချုပ်ရေးဌာနတို့က တက်ရောက်ပြီး ဆွေးနွေးခဲ့တယ်လို့ သိရပါတယ်။ 

Related News