ပြည်သူ့ကျန်းမာရေးဖောင်ဒေးရှင်းနဲ့ ဂျပန်နိုင်ငံ မြန်မာ-ဂျပန်ပူးပေါင်းဆောင်ရွက်ရေး အဖွဲ့က ဖွင့်လှစ်တဲ့ Hatta  "ဟထှာ" စေတနာဆေးခန်းရဲ့ သားဖွားဆောင်ဖွင့်ပွဲကို ရန်ကုန်မြို့ သာကေတမြို့နယ် (၁၀)တောင်မှာ ဇန်န၀ါရီ ၅ ရက်က ဖွင့်လှစ်လိုက်ပါတယ်။အခုလို သားဖွားဆောင်ကို ဆင်ခြေဖုံးဒေသမှာ ဖွင့်လှစ်ရတာဟာ မြို့နယ်တွင်း နေထိုင်တဲ့ ကိုယ်ဝန်ဆောင်မိခင်တွေအတွက်  မွေးဖွားရလွယ်ကူစေရေး နဲ့ အခမဲ့ဆေးဝါးကုသမှုတွေမှာ ပိုမိုထိရောက်လာအောင် ရည်ရွယ်တယ်လို့ ပြည်သူ့ကျန်းမာရေးဖောင်ဒေးရှင်း ဥက္ကဌက ပြောပါတယ်။

ဒီသားဖွားဆောင်ကို ဂျပန်နိုင်ငံက အကူအညီနဲ့ ဆောက်လုပ်ဖွင့်လှစ်ခဲ့တာဖြစ်ပြီး ငွေကျပ် သိန်း (၂၀၀) ကျော်တန်ဖိုးရှိတယ်လို့ သိရပါတယ်။ ဒီသားဖွားဆောင်ကို ဖွင့်လှစ်လိုက်တဲ့အတွက် အဲ့ဒီရပ်ကွက်မှာနေထိုင်တဲ့ ကိုယ်ဝန်ဆောင် တွေအနေနဲ့ အဆင်ပြေလာသလို အရင်က သာကေတမြို့နယ်မှာ သားဖွားဆောင် မရှိတဲ့အတွက် ဒေါပုံသားဖွားဆေးရုံနဲ့  ဂန္ဓီဆးရုံစတဲ့ နေရာတွေအထိ သွားရလို့  အခက်အခဲတွေရှိ ခဲ့တယ်လို့ ဆိုပါတယ်။ အခုလို စေတနာ့ဆေးခန်းနဲ့ သားဖွားဆောင်တွဲဖွင့်လှစ်တာဟာ သာကေတမြို့နယ်အပြင် အရှေ့တောင်ဒဂုံမှာလည်း ဖွင့်လှစ်ထားတယ်လို့ သိရပါတယ်။ 

 

Related News