အထွေထွေရောဂါကုဆရာဝန်တွေအတွက် သီးသန့်ဌာနတစ်ခု တည်ထောင်ပေးဖို့ ကျန်းမာရေးနဲ့ အားကစားဝန်ကြီးထံ တောင်းဆိုသွားမယ်လို့ သိရပါတယ်။ (၁၈)ကြိမ်မြောက် အထွေထွေရောဂါကုဆရာဝန်များညီလာခံနဲ့ ဆေးပစ္စည်းပြပွဲအဖြစ် မြန်မာနိုင်ငံဆရာဝန်အသင်းမှာ  ကျင်းပနေရာမှာ ညီလာခံတက်ရောက်လာတဲ့ အထွေထွေ ရောဂါကုဆရာဝန်တွေက ပြောကြားလိုက်တာပါ။

အထွေထွေရောဂါကုဆရာဝန်တွေအတွက် သီးသန့်ဌာနတစ်ခုတည်ထောင်ပေးဖို့  ကျန်းမာရေးနဲ့ အားကစားဝန်ကြီးဌာနကို ဆက်လက်တောင်းဆိုသွားဖို့ ဆရာဝန်တွေက စီစဉ်ထားပါတယ်။ လက်ရှိအထိ အထွေထွေရောဂါကုဆရာဝန်တွေအတွက် အစိုးရအထောက်အပံ့ ပေးနေတဲ့ ဌာနသီးသန့်မရှိပဲ ဒီပလိုမာယူနိုင်တဲ့ သင်တန်းလေးခုသာ ရှိသေးတယ်လို့ သိရပါတယ်။

အထွေထွေရောဂါကုဆရာဝန်များအဖွဲ့ဟာ ၁၉၈၉ခုနှစ်တည်းက ဒီပလိုမာသင်တန်းတွေ ဖွင့်လှစ်သင်ကြား ပေးနေပြီး ၂၀၀၄ ခုနှစ်မှာ မိသားစုကျန်းမာရေးစောင့်ရှောက်မှုဆေးပညာ သင်တန်းဆိုပြီး ပြောင်းလဲသတ်မှတ်ခဲ့ပါတယ်။

အဆိုပါသင်တန်းတွေကို ဒီပလိုမာအဆင့်ကနေ မြှင့်တင်ပေးနိုင်ဖို့ ဒီဇင်ဘာလအကုန်မှာ သီးသန့်ဌာနတစ်ခုတည်ထောင်သွားမယ်လို့ အထွေထွေရောဂါကု ဆရာဝန်များအဖွဲ့ အတွင်းရေးမှူးက ပြောပါတယ်။ အထွေထွေရောဂါကုဆရာဝန်များအဖွဲ့ကို ၁၉၈၇ ကတည်းက စတင်တည်ထောင်ခဲ့တာဖြစ်ပြီး တိုင်းဒေသကြီး နဲ့ ပြည်နယ်အလိုက် ဖွဲ့စည်းထားတဲ့ အထွေထွေရောဂါကုဆရာဝန်များအဖွဲ့ ၃၈ ဖွဲ့ရှိသွားပြီလို့ သိရပါတယ်။

 

 

Related News