အမျိုးသားသွေးဌာနအတွင်း သွေးလှူဒါန်းတဲ့အခါ ရောဂါပိုးတွေ့ရှိရတာကြောင့် သွေး လှူဒါန်းသူတွေအနေနဲ့ မိမိရဲ့ ကိုယ်ခံအားနဲ့ သွေးအတွင်းရောဂါပိုးကင်းစင်မှုတို့ကို သိရှိသင့်တယ်လို့ အမျိုးသားသွေးဌာနကပြောပါတယ်။   မြန်မာနိုင်ငံအတွင်းသွေးရရှိနှုန်းနဲ့ သွေးလိုအပ်မှုနှုန်းကွာခြားနေတာကြောင့် အမျိုးသား သွေးဌာနမှာ သွေးလိုအပ်ချက်ကတော့ ရှိနေဆဲဖြစ်တယ်လို့ သိရပါတယ်။ အသက်(၁၈)နှစ်နဲ့ အသက်(၂၄)နှစ် အတွင်းက လူငယ်တွေရဲ့ သွေးလှူဒါန်းမှုနှုန်းက ပိုများနေပြီး (၂၀၁၇)ခုနှစ်အစပိုင်း မှာတော့ သွေးလှူဒါန်းမှုက (၉၀)ရာခိုင်နှုန်းကျော်ရှိနေတယ်လို့ ပြောပါတယ်။ ၉၀ ရာခိုင်နှုန်းကျော် သွေးလှူနေကြပေမဲ့ သွေးအလှူရှင်(၁)ထောင်မှာ (၅)ယောက်ဟာ HIV ပိုး၊ B ပိုး၊ C ပိုးနဲ့ ကာလသားရောဂါစတဲ့ ရောဂါလက္ခဏာတွေကိုတွေ့ရှိနေရတယ်လို့ ပြောပါတယ်။အမျိုးသားသွေးဌာနအနေနဲ့ သွေးလှူဒါန်းသူရဲ့ သွေးအတွင်းရောဂါကို ရောဂါအမျိုးအစား အလိုက်(၁၁)ရက် မှ ရက်(၃၀)အတွင်းရှာဖွေသိရှိရတာဖြစ်ပြီး ဖွံ့ဖြိုးပြီးနိုင်ငံတွေမှာတော့ မည်သည့် သွေးအတွင်းရောဂါကိုမဆို (၁၁)ရက်အတွင်း ရှာဖွေနိုင်တယ်လို့ ပြောပါတယ်။ မြန်မာနိုင်ငံအတွင်းမှာ သွေးသွင်းကုသမှုကောင်းမွန်လာတာကြောင့် သွေးလိုအပ်ချက်ရှိလာမှ လှူဒါန်းမယ်ဆိုရင် အဆင်မပြေမှုတွေဖြစ်နိုင်ပါတယ်။ ဒါ့ကြောင့်သွေးလှူဒါန်းသူတွေအနေနဲ့ သွေးမလှူခင် ရောဂါပိုးရှိမရှိစစ်ဆေးပြီးမှသာ လှူဒါန်းသင့်တယ်လို့ အမျိုးသားသွေးဌာနက ပြောကြားလိုက်ပါတယ်။ 

 

 

Related News