မြန်မာနိုင်ငံရဲ့ကျန်းမာရေးစနစ်ကို ပြုပြင်ပြောင်းလဲမည့် အမျိုးသားကျန်းမာရေး စီမံကိန်း (၂၀၁၇-၂၀၂၁)ဟာ ကျေးလက်နေပြည်သူတွေကို အဓိကထားဦးစားပေး လုပ်ဆောင်သွားမှာ ဖြစ်တယ်လို့ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြား လိုက်ပါတယ်။ အမျိုးသားကျန်းမာရေးစီမံကိန်း (၂၀၁၇ -၂၀၂၁) စတင်ဆောင်ရွက်မှု အသိပေးခြင်း အခမ်းအနားကို မတ်လ (၃၁)ရက်က နေပြည်တော်မှာရှိတဲ့ MICC-2  မှာ ပြုလုပ်ခဲ့ပြီး နိုင်ငံတော်၏အတိုင်ပင်ခံပုဂ္ဂိုလ်က အဖွင့်မိန့်ခွန်း ပြောကြားခဲ့ပါတယ်။ အမျိုးသားကျန်းမာရေး စီမံကိန်းလုပ်ဆောင်ရာမှာ နိုင်ငံတွင်းက ပြည်သူလူထုရဲ့(၇၀)ရာခိုင်နှုန်းဟာ ကျေးလက်နေပြည်သူတွေ ဖြစ်တဲ့အတွက် ကျေးလက်နေပြည်သူများကို ဦးစားပေး ဆောင်ရွက်တာလို့ နိုင်ငံတော်၏ အတိုင်ပင်ခံ ပုဂ္ဂိုလ်က ဆိုပါတယ်။ 

 ပြည်တွင်းက လက်ရှိကျန်းမာရေးစနစ်တွေကို ပြုပြင်ပြောင်းလဲမယ်လို့ ဆိုထားတဲ့ဒီစီမံကိန်းမှာ ပြည်သူတွေအနေနဲ့ လူတိုင်းလက်လှမ်းမှီတဲ့ ကျန်းမာရေးစောင့်ရှောက်မှု လွှမ်းခြုံနိုင်ရန်နဲ့ ၂၀၂၀ ရောက်ရင် အခြေခံကျသောမရှိမဖြစ်လိုအပ်သော ကျန်းမာရေးဝန်ဆောင်မှုတွေကို ငွေကုန်ကြေးကျ သက်သာစွာနဲ့ ရယူနိုင်ဖို့ လုပ်ဆောင်သွားမယ်လို့ သိရပါတယ်။ ကျန်းမာရေးနှင့် အားကစားဝန်ကြီးဌာနအနေနဲ့ ယခု (၂၀၁၇-၂၀၁၈) ဘဏ္ဍာနှစ်အတွက် အသုံးစရိတ်အနေနဲ့ ငွေကျပ် (၁၀၇၆)ဘီလီယံကျော် သုံးစွဲသွားမှာဖြစ်ပြီး အဲဒီထဲကမှ ဝေးလံတဲ့ နေရာတွေက ကျေးလက်ကျန်းမာရေးဌာနတွေမှာ ကျန်းမာရေးဝန်ထမ်းတွေ ခန့်အပ်တာတွေ ဆေးဝါးနဲ့ ကာကွယ်ဆေးပစ္စည်းဝယ်တာတွေ ပြုလုပ်သွားမယ်လို့ သိရပါတယ်။ကျန်မာရေး ၀န်ကြီးဌာနက သုံးစွဲမယ့်ငွေတွေကိုတော့ အစိုးရက (၇၇)ရာခိုင်နှုန်းနဲ့ ပြည်ပကပံ့ပိုးငွေ (၂၃) ရာခိုင်နှုန်းသုံးစွဲသွားမယ်လို့ သိရပါတယ်။ 

 

 

Related News