နှလုံးသွေးကြောပိတ်ဆို့နေမှုအခြေအနေနဲ့ နှလုံးကြွက်သားတွေရဲ့ လုပ်ငန်းဆောင်ရွက်ချက် ပမာဏတွေကို တိုင်းတာနိုင်တဲ့  Myocardial Prefusion Scan စက်ကို အာရှတော်ဝင်ဆေးရုံမှာ ပထမဆုံးအနေနဲ့တပ်ဆင်လိုက်ပြီဖြစ်တယ်လို့ ဧပြီလ(၂) ရက်နေ့က Melia Hotel  မှာပြုလုပ်တဲ့ ရှင်းလင်းမိတ်ဆက်ပွဲမှသိရပါတယ်။

အဆိုပါစက်ဟာ နှလုံးနဲ့သက်ဆိုင်တဲ့ရောဂါဝေဒနာသည်တွေအတွက် နှလုံးကြွက်သား သွေးရရှိမှုအခြေအနေတွေကို တိတိကျကျစစ်ဆေးခြင်း၊ နှလုံးကြွက်သား လုပ်ငန်းစွမ်းဆောင် ရည်ကိုဆုံးဖြတ်ပေးခြင်း၊ ရှင်သန်နိုင်သေးတဲ့ နှလုံးတစ်ရှုးနဲ့ ပျက်စီးသွားတဲ့ နှလုံးတစ်ရှုးတွေကိုခွဲခြားပေးခြင်း စတာတွေကိုလုပ်ဆောင်နိုင်တယ်လို့သိရပါတယ်။

အာရှတော်ဝင်ဆေးရုံအနေနဲ့ Myocardial Prefusion Scan စက်ကို အသုံးပြုဖို့လိုအပ်တဲ့ လူနာတွေကိုသာ အသုံးပြုခွင့်ပေးမှာဖြစ်ပြီး လူနာအရေအတွက် (၃၀)၀န်းကျင်နဲ့ လစဉ် တစ်လ တစ်ကြိမ်သာ စစ်ဆေးခွင့်ပြုမှာဖြစ်တယ်လို့သိရပါတယ်။ Myocardial Prefusion Scan  စက်အသုံးပြုမယ့် လူနာတွေအတွက် တခါစက်အသုံးပြုခ (နှစ်သိန်း၇သောင်း) ကျပ်ကုန်ကျမှာ ဖြစ်တယ်လို့သိရပါတယ်။ 

Related News