စားသောက်ကုန်  ထုတ်လုပ်မှုလုပ်ငန်းတွေဖွံ့ဖြိုးတိုးတက်လာဖို့အတွက် စက်မှုဝန်ကြီးဌာနနဲ့ ဂျပန်အပြည်ပြည် ဆိုင်ရာပူးပေါင်းဆောင်ရွက်ရေးအေဂျင်စီ ( JICA) တို့ပူးပေါင်းဆောင်ရွက်နေတဲ့Japanese Technical Project for Strengthening Industrial Promotion Functions (SIPF) အစီအစဉ်နဲ့ စားသောက်ကုန်လုပ်ငန်းတွေထံ ကွင်းဆင်းလေ့လာပြီး အလုပ်ရုံဆွေးနွေးပွဲတွေကို ကျင်းပမှာဖြစ်တယ်လို့သိရပါတယ်။  ပုန်းရည်ကြီးလုပ်ငန်း၊ ပဲကြော်လုပ်ငန်း၊ ဇီးဖျော်ရည်လုပ်ငန်း စတဲ့လုပ်ငန်းတွေမှာလုပ်ကိုင်နေတဲ့ မိရိုးဖလာနည်း ပြုလုပ်ပုံတွေ၊ စက်ကိရိယာတွေနဲ့ပြုပြင်ပြောင်းလဲအသုံးပြုပုံတွေ၊ လုပ်ငန်း အခက်အခဲတွေ၊ ကုန်ကျစရိတ်တွေ စတဲ့ စားသောက်ကုန်ထုတ်လုပ်မှုလုပ်ငန်းရဲ့ လုပ်ငန်းအဆင့်ဆင့် အကျိုးအမြတ်တွေကို ကောက်ယူမှုတွေပြုလုပ်မှာဖြစ်တယ်လို့သိရပါတယ်။

ဧပြီလ ၂ ရက်ကနေ ၄ ရက် အထိ ၃ရက်တိုင် ညောင်ဦးမြို့နယ်၊ ပခုက္ကူနဲ့ စလေမြို့တွေမှာ သွားရောက်လေ့လာကာ အလုပ်ရုံဆွေးနွေးပွဲတွေကိုလည်း ပြုလုပ်သွားမှာ ဖြစ်တယ်လို့ သိရပါတယ်။ စိုက်ပျိုးရေးလုပ်ငန်းနဲ့စိုက်ပျိုးရေးထုတ်ကုန်တွေကို တန်ဖိုးမြှင့်စားသောက်ကုန်ထုတ်လုပ်မှု ပုံစံအဖြစ် အချိတ် အဆက်မိစေရန် အရည်အသွေးမှီ ထုတ်ပိုးမှုပုံစံတွေနဲ့ဈေးကွက်ပိုမိုရရှိနိုင်ရန်နဲ့SME လုပ်ငန်းတွေကို စက်ပစ္စည်းပံ့ပိုးပေးမှုနဲ့ ငွေကြေး ထောက်ပံ့ပေးနိုင်ရေးအတွက် ထိရောက်တဲ့ မူဝါဒတွေထွက်ပေါ်လာစေဖို့ ရည်ရွယ်တယ်လို့သိရပါတယ်။ လုပ်ငန်းအပေါ်စိတ်ဝင်စားပြီး တိုးတက်ပြောင်းလဲမှုကိုလိုလားတဲ့ လုပ်ငန်းရှင်တွေကို ငွေကြေးပိုင်းအရ ဘဏ်တွေနဲ့ ချိတ်ဆက်ပေးတာတွေ၊ စိုက်ပျိုးရေးကုန်ကြမ်းလိုအပ်ချက်ဆိုရင် စိုက်ပျိုးရေးကဏ္ဍနဲ့ချိတ်ဆက်ပေး တာတွေ ပြုလုပ်ပေးမှာ ဖြစ်တယ်လို့ သိရပါတယ်။

 

 

Related News