ပြည်သူလူထုတွေအနေနဲ့ အစားအသောက်တွေကို ဘေးအန္တရာယ်ကင်းရှင်းစွာ စားသောက် နိုင်ရေးအတွက် သက်ဆိုင်ရာတာဝန်ရှိသူတွေအနေနဲ့ အန္တရာယ်ကင်းရှင်းရေး လုပ်ငန်းတွေကို ဟန်ချက်ညီ ပူးပေါင်းဆောင်ရွက်ရေးအတွက် အလုပ်ရုံဆွေးနွေးပွဲတစ်ခုကို နေပြည်တော်မှာ ကျင်းပနေပါတယ်။ အစားအသောက်ဘေးအန္တရာယ် ကင်းရှင်းရေးလုပ်ငန်းများ ဟန်ချက်ညီပူးပေါင်း ဆောင်ရွက်ရေး အလုပ်ရုံဆွေးနွေးပွဲကို နေပြည်တော်မှာရှိတဲ့ The Lake Garden Hotel မှာ ဧပြီလ(၆)ရက်ကနေ (၇)ရက်အထိ (၂)ရက်ကြာကျင်းပပြုလုပ်နေတာပါ။ 

အလုပ်ရုံဆွေးနွေးပွဲမှာ ပြည်တွင်းကိုတင်သွင်း၊ထုတ်လုပ်ဖြန့်ဖြုးနေတဲ့ အစားအသောက်တွေကို အန္တရာယ်ကင်းရှင်းရေးနဲ့ အရည်အသွေးပြည့်မှီရေးအတွက် ဌာနဆိုင်ရာတွေအနေနဲ့ ပူးပေါင်း ဆောင်ရွက်မူတွေကို အဓိကထားဆွေးနွေးနေကြတာဖြစ်ပြီးပြည်ပနိုင်ငံတွေက တရားမ၀င် တင်သွင်းလာတဲ့ အစားအသောက်တွေကိုထိရောက်စွာ အရေးယူနိုင်ရေးတို့လည်း ဆွေးနွေးကျမှာ ဖြစ်တယ်လို့ သိရပါတယ်။ အစားအသောက်နဲ့ ဆေးဝါးကွပ်ကဲရေးဦးစီးဌာန (FDA) အနေနဲ့ လက်ရှိ ရွေလျား ဓာတ်ခွဲခန်းပါ ကားတွေနဲ့ နေပြည်တော်မှာ ရှိတဲ့ဈေးတွေက အစားအသောက်နဲ့ ဆေးဝါးတွေကို အန္တရာယ်ကင်းစေဖို့ ရှောင်တခင်ဝင်ရောက်စစ်ဆေးတာတွေ ပြုလုပ်ခဲ့တယ်လို့သိရပါတယ်။အလုပ်ရုံဆွေးနွေးပွဲကို အစားအသောက်နဲ့ ဆေးဝါးကွပ်ကဲရေး ဦးစီးဌာနဦးဆောင်ကျင်းပတာဖြစ်ပြီး ကုန်သွယ်ရေးဌာန၊ စားသုံးသူရေးရာ ဦးစီးဌာန၊ စိုက်ပျိုးရေးဦးစီးဌာန၊ မွေးမြုရေးနှင့် ကုသရေးဦးစီးဌာနတွေအပါအ၀င် မြန်မာစားသုံးသူများ သမဂ္ဂတို့က တာဝန်ရှိသူတွေတက်ရောက် လျက်ရှိတယ်လို့ သိရပါတယ်။ 

 

 

 

Related News