နေပြည်တော်မှာရှိတဲ့ ဈေးဝယ်စင်တာနဲ့ ကုန်တိုက်တွေကို ရွေလျားဓာတ်ခွဲခန်းပါယာဉ်နဲ့ လိုက်လံစစ်ဆေးတာတွေကို ယခုတစ်ပတ်မှစတင်ပြီး လုပ်ဆောင်သွားမယ်လို့ အစားအသောက်နှင့်ဆေးဝါးကွပ်ကဲရေးဦးစီးဌာန (FDA) မှသိရပါတယ်။ အစားအသောက်နှင့် ဆေးဝါးကွပ်ကဲရေးဦးစီးဌာန (FDA)အနေနဲ့ နေပြည်တော်မှာရှိတဲ့ ဈေးဝယ်စင်တာနဲ့ကုန်တိုက်တွေမှာရှိတဲ့ အလှကုန်ပစ္စည်းတွေ၊ ဆေးဝါးနဲ့အစားအသောက်တွေကို သင်္ကြန်မတိုင်ခင်စစ်ဆေးမှာဖြစ်ပြီး ဈေးဝယ်စင်တာတွေက တာဝန်ရှိသူတွေနဲ့ ပူးပေါင်းညှိနှိုင်းကာ လုပ်ဆောင်သွားမှာဖြစ်ပါတယ်။ နောက်တစ်ဆင့်အနေနဲ့ ပုဂ္ဂလိကဆေးရုံတွေကိုပါ ထပ်မံစစ်ဆေးသွားမယ်လို့သိရပါတယ်။ ရွေ့လျားဓာတ်ခွဲခန်းပါယာဉ်နဲ့ စစ်ဆေးခြင်းကိုပထမဆုံးအကြိမ်အဖြစ် မတ်လ၂၉ရက်က စတင်ပြီး နေပြည်တော်မှာရှိတဲ့ မြို့နယ်(၈)ခုက အဆင်မြင့်ဈေးတွေမှာ ရှောင်တစ်ခင်လိုက်လံစစ်ဆေးခဲ့တာ ဖြစ်ပါတယ်။

ဈေးအတွင်းရောင်းချနေတဲ့ လူသုံးအများဆုံးဖြစ်တဲ့ လက်ဖက်၊ငရုတ်သီးမှုန့်၊ကြက်အူချောင်း၊ ၀က်အူချောင်း၊ မုန့်တီဖတ်၊ ယိုမျိုးစုံ၊ ဆီတို့ဟူး၊ လက်လုပ်ချဉ်နဲ့ စားသုံးဆီတွေအပါအ၀င် အစားအစာ (၁၄)မျိုးကျော်ကို ၀ယ်ယူစစ်ဆေးခဲ့ကာ ဈေးကွက်အတွင်းမှာရောင်းချနေတဲ့ ကလေးအစားအစာမုန့်နဲ့ ဆေးဝါးတွေကိုပါ စစ်ဆေးခဲ့တယ်လို့သိရပါတယ်။ အခုလို ရွေ့လျားဓာတ်ခွဲခန်းပါယာဉ်တွေနဲ့ စစ်ဆေးတာတွေကို တိုးမြှင့်လုပ်ဆောင်သွားမှာဖြစ်ပြီး ရန်ကုန်နဲ့ မန္တလေးမြို့တွေအပါအ၀င် အခြားမြို့တွေကိုပါစစ်ဆေးနိုင်ဖို့လုပ်ဆောင်သွားမယ်လို့ သိရပါတယ်။ 

 

 

Related News