(၂၀၁၇)ခုနှစ်မှာ သင်္ကြန်မှာ ရန်ကုန်ပြည်သူ့ဆေးရုံကြီးအရေးပေါ်ဌာနကို ဆေးရုံတက်ရောက်တဲ့ လူနာပေါင်း(၇၅၂)ဦးရှိခဲ့ပြီး (၂၀၁၆)ခုနှစ်နဲ့ နှိုင်းယှဉ်ရင် လူနာ(၁၀၀)နီးပါးခန့် လျော့ကျသွားတယ်လို့ သိရပါတယ်။ ယခုနှစ်သင်္ကြန်ကာလအတွင်း ရန်ကုန်ပြည်သူ့ဆေးရုံကြီး၊ အရေးပေါ်လူနာဌာနနဲ့ ပြင်ပ လူနာအထူးကုဌာနတွေမှာ ရေကစားတာအပြင် အခြားသောမတော်တဆဖြစ်မှုကြောင့် ထိခိုက်ဒဏ်ရာ ရရှိသူ လူနာ(၇၅၂)ဦးရှိခဲ့ပြီး (၂၀၁၆)ခုနှစ်သင်္ကြန်ကာလတုန်းကတော့ ထိခိုက်ဒဏ်ရာရရှိသူ (၈၅၉)ဦးအထိ ရှိခဲ့ပါတယ်။

သင်္ကြန်ကာလအတွက် ရန်ကုန်ပြည်သူ့ဆေးရုံကြီးအရေးပေါ်ဌာနနဲ့ ပြင်ပလူနာကုဌာနတွေမှာ အထူးကုဆရာဝန်တွေအပါအ၀င် ကျန်းမာရေးဝန်ထမ်းတွေကို (၂၄)နာရီအလှည့်ကျတာဝန်ချထားခဲ့ပြီး အရေးပေါ်ဌာနကိုရောက်ရှိတဲ့ လူနာအရေအတွက်များပြားတာကြောင့် ကျန်းမာရေးဝန်ထမ်းအင်အားနဲ့ ဆေးဝါးပစ်္စည်းတွေကို တိုးမြှင့်စီစဉ်ခဲ့တယ်လို့လည်း သိရပါတယ်။(၂၀၁၇)ခုနှစ် သင်္ကြန်ကာလမှာ အရေးပေါ်ဌာနအပါအ၀င် ရန်ကုန်ပြည်သူ့ဆေးရုံကြီးကို ရောက်ရှိခဲ့သူ(၇၅၂)ဦးမှာ (၆)ဦးသေဆုံးခဲ့ပြီး (၂၀၁၆)ခုနှစ်တုန်းကတော့ ဆေးရုံရောက်ရှိခဲ့သူ (၈၅၉)ဦးမှာ (၅)ဦးသေဆုံးခဲ့တယ်လို့လည်း သိရပါတယ်။

 

 

Related News