၂၀၁၇ ခုနှစ်အတွက် ပိုလီယိုကာကွယ်ဆေးတိုက်ကျွေးမယ့် လုပ်ငန်းစဉ်ကို ဇူလိုင်လနဲ့ သြဂုတ်လမှာ ရခိုင်ပြည်နယ်မှာ တစ်ကြိမ်၊ နှစ်ကုန်ပိုင်းမှာတစ်နိုင်ငံလုံးအတိုင်းအတာနဲ့ တစ်ကြိမ် တိုက်ကျွေးသွားမယ်လို့ ပြည်သူ့ကျန်းမာရေးဦးစီးဌာနက သိရပါတယ်။ ပိုလီယိုကာကွယ်ဆေး တိုက်ကျွေးမယ့်အစီအစဉ်မှာ ရခိုင်ပြည်နယ်အတွင်း တစ်ကြိမ်၊ နှစ်ကုန်ပိုင်းမှာ တစ်နိုင်ငံလုံးအတိုင်းအတာအနေနဲ့ တစ်ကြိမ် စုစုပေါင်းနှစ်ကြိမ်ပြုလုပ်မှာ ဖြစ်တယ်လို့ ဒေါက်တာသန်းထွန်းအောင်က ပြောပါတယ်။ 
ပိုလီယိုရောဂါကာကွယ်ဆေး လွှမ်းခြုံမှုအားနည်းတဲ့ ရခိုင်ပြည်နယ်ရှိ မြို့နယ် ၁၇ ခုက အသက် ၉ လမှ ၅ နှစ်အတွင်း ကလေးသုံးသောင်းကျော်ကို ယခုနှစ် ဇူလိုင်နဲ့ သြဂုတ်လ ၂၁ရက်တွေမှာ ကာကွယ်ဆေး တိုက်ကျွေးသွားမှာဖြစ်တယ်လို့ ပြောပါတယ်။ 
ဒုတိယအကြိမ် ပိုလီယိုကာကွယ်ဆေးတိုက်ကျွေးရေး ကမ်ပိန်းကို နိုဝင်ဘာနဲ့ ဒီဇင်ဘာလမှာ တစ်နိုင်ငံလုံး တိုက်ကျွေးသွားမယ်လို့ သိရပါတယ်။ ဒီကမ်ပိန်းမှာ ကာကွယ်ဆေး အသစ်ဖြစ်တဲ့ ဂျပန်ဦးနှောက်ရောင်ရောဂါ ကာကွယ်ဆေးကို 
ထိုးနှံပေးသွားမှာဖြစ်တယ်လို့ သိရပါတယ်။ပြည်တွင်းမှာ ၂၀၁၄ ခုနှစ် မတ်လ ၂၇ ရက်ကတည်းက Wild POV Virus ဖြစ်တဲ့ ပိုလီယိုအရိုင်းပိုးကင်းစင်ကြောင်း ကြေညာခဲ့တာဖြစ်ပြီး ကာကွယ်ဆေးယဉ်ပါးရာမှ ဖြစ်ပေါ်လာတဲ့ ပိုလီယိုရောဂါပိုးကိုတော့ ၂၀၂၀ခုနှစ်မှာ အပြီးပြတ် ပျောက်ကွယ်ဖို့ မြန်မာနိုင်ငံအပါအ၀င် တစ်ကမ္ဘာလုံးက ရည်ရွယ်ချက်ထား လုပ်ဆောင်နေတာဖြစ်တယ်လို့ သိရပါတယ်။
 
 
  

Related News