ရာသီတုပ်ကွေးရောဂါဖြစ်တဲ့  H1N1  နဲ့ ပတ်သက်တဲ့ ကျန်းမာရေးသတိရှိစေဖို့အတွက် အခြေခံပညာကျောင်းတွေကိုကျောင်းကျန်းမာရေးအဖွဲ့တွေက ညွှန်ကြားချက်တွေထုတ်ပြန်ထားတယ်လို့ သိရပါတယ်။ လတ်တလော ရန်ကုန်မြို့အပြင် အခြားဒေသတွေမှာ ရာသီတုပ်ကွေးရောဂါ H1N1 ရောဂါပိုးကူးစက် ပြန့်ပွားလျက်ရှိပြီး လူသေဆုံးမှုတွေပါရှိနေတယ်လို့ သိရပါတယ်။ အဲဒီ့အတွက် ကြိုတင်ကာကွယ်မှုတွေလုပ်ဆောင်နိင်စေဖို့အတွက် အခြေခံပညာကျောင်းတွေကိုကျောင်းကျန်းမာရေး အဖွဲ့တွေက ညွှန်ကြားချက်တွေထုတ်ပြန်ထားပြီး ကျောင်းတွေမှာ H1N1  နဲ့ ပတ်သက်ပြီးကျန်းမာရေး အသိပညာပေးတာတွေလုပ်ဆောင်နိုင်ဖို့ လည်းညွှန်ကြားထားတာတွေ ရှိနေတယ်လို့ သိရပါတယ်။
 
H1N1 နဲ့ပတ်သက်လို့ အခြေခံပညာကျောင်းတွေကိုကျောင်းကျန်းမာရေးအဖွဲ့တွေ အနေနဲ့ အပတ်စဉ်စစ်ဆေးမှုတွေပြုလုပ်နေပြီး ကျောင်းတွေမှာတက်ရောက် ပညာသင်ကြားနေတဲ့ ကျောင်းသားကျောင်းသူတွေ(၃)ရက်ထက် ပိုပြီးဖျားနာမူတွေရှိနေပါကပျက်ကွက်သူရဲ့အမည်နဲ့ နေရပ်လိပ်စာအပြည့်အစုံကို ကျောင်းကျန်းမာရေးအဖွဲ့တွေကို အကြောင်းကြားဖို့ ညွှန်ကြားထား တယ်လို့ သိရပါတယ်။ ဒါ့အပြင်လက်ရှိမှာကျောင်းသားကျောင်းသူတွေ ကျန်းမာရေး အသိရှိပြီး လက်သန့်ရှင်းရေးအပြင် တစ်ကိုယ်ရည်သန့်ရှင်းရေးလုပ်ဆောင်နိုင်ဖို့ကိုလည်း ဆရာမတွေက သင်ကြားပေးတာတွေ ပြုလုပ်ပေးနေတယ်လို့ သိရပါတယ်။  
 
လက်ရှိမှာတော့ အခြေခံပညာကျောင်းတွေမှာ H1N1 သံသယရှိတဲ့ ကျောင်းသား ကျောင်းသူမရှိသေးပဲ သာမန်ဖျားနာတာတွေသာရှိနေပြီး ကျောင်းသားတွေအနေနဲ့လည်း H1N1 ရောဂါကို ကာကွယ်နိင်ဖို့အတွက် Mask မတ်စ်တပ်တာတွေရှိနေတယ်လို့ သိရပါတယ်။ ဒါ့အပြင် ကျောင်းမှာဖျားနာတဲ့ ကျောင်းသားရှိပါကမိဘတွေကို ဆက်သွယ်အကြောင်းကြားတာတွေ ပြုလုပ်ပေးနေတယ်လို့ သိရပါတယ်။ လတ်တလောဖြစ်ပွားလျက်ရှိတဲ့   H1N1 နဲ့ ပတ်သက်လို့ ကျန်းမာရေးနှင့် အားကစား ၀န်ကြီးဌာနက ထုတ်ပြန်ကြေငြာတဲ့ ကျန်းမာရေးသတိပေးချက်တွေကို သတိပြုလိုက်နာဖို့ ထုတ်ပြန်ထားတာလည်း ဖြစ်ပါတယ်။
 
 

Related News