မန္တလေးတိုင်းဒေသကြီးတွင် ရာသီတုပ်ကွေးရောဂါ Seasonal Influenza A(H1N1 ) ဖြစ်ပွားမှု မရှိစေရန် စောင့်ကြပ်ကြည့်ရှုခြင်း၊ ကြိုတင်ကာကွယ်ခြင်းများကို ဆောင်ရွက်လျက်ရှိ တယ်လို့ သိရပါတယ်။ မန္တလေးတိုင်းဒေသကြီး ပြည်သူ့ကျန်းမာရေး ဦးစီးဌာနအနေနဲ့ ကျန်းမာရေးနှင့် အားကစား ၀န်ကြီးဌာနမှ ရာသီတုပ်ကွေး Seasonal Influenza A(H1N1 ) ဇူလိုင်လ ၂၄ ရက်နေ့မှာ စတင်ဖြစ်ပွားတဲ့ သတင်းရရှိကတည်းက ကြိုတင်ကာကွယ်မှုများကို မန္တလေးမြို့ပေါ်ရှိ ဗဟိုအဆင့် ဆေးရုံများမှ ဆရာဝန်ကြီးများနှင့် တွေ့ဆုံကာ ညှိနှိုင်းဆွေးနွေးမှုများကို ပြုလုပ်ခဲ့တယ်လို့ သိရပါတယ်။

ကြိုတင်ကာကွယ်မှုပြုလုပ်ရာမှာ ရောက်ရှိလာမည့် လူနာများအတွက်သာမက ကုသပေးမယ့် ကျန်းမာရေး ၀န်ထမ်းများအတွက် ဆောင်ရွက်ထားရှိနေမှုများအား မန္တလေးတိုင်း ဒေသကြီး ကျန်းမာရေးဦးစီးဌာန တိုင်းကုသရေး ဦးစီးဌာနမှူး ဒေါက်တာ ဒေါ်သန်းသန်းမြင့်က ခုလိုပြောပါတယ်။ ကျန်းမာရေး နှင့်အားကစားဝန်ကြီးဌာနအနေနဲ့ မိုးရာသီမှာအဖြစ်များတဲ့ရာသီတုပ်ကွေး ကြိုတင်ကာကွယ်ကုသရေးအတွက် အသုံးပြုရမည့် ဘက်ဂျက်ငွေများကို သဘာဝဘေးအန္တရာယ် ကျရောက်သည့်အခါ အသုံးပြုရန်ထားရှိတဲ့ဘက်ဂျက်ငွေထဲမှ ထုတ်နှုတ်သုံးစွဲသွားမှာ ဖြစ်ပြီး တိုင်းဒေသကြီး အစိုးရဘက်မှလည်း လိုအပ်သည်များကို ပြည့်စုံစွာ ထောက်ပံ့ကူညီပေးထားတယ်လို့ သိရပါတယ်။

ကျန်းမာရေး ၀န်ထမ်းများအနေနဲ့ခရီးသွားလာနေသူများထံမှ ရာသီတုပ်ကွေးရောဂါ H1N1 ကာကွယ်ရေးအတွက် စစ်ဆေးမှုများကို လေဆိပ်များမှာသာ ဆောင်ရွက်နိုင်ပြီး မန္တလေးမြို့ရှိ ကားဂိတ်များဟာ တစ်နေရာတည်း မဟုတ်တဲ့အတွက်ကြောင့်လည်းကောင်း ၊ ကားအ၀င်အထွက် မှာလည်း နေ့စဉ် ထောင်ချီရှိနေပြီး ကျန်းမာရေး ၀န်ထမ်းအင်အားနှင့် မလုံလောက်တာကြောင့် ကားဂိတ်များမှာ စစ်ဆေးမှုများ မပြုလုပ်နိုင်သေးဘူးလို့သိရပါတယ်။ ရာသီတုပ်ကွေးရောဂါ ကြိုတင်ကာကွယ်ရေးအတွက် မန္တလေးမြို့ပေါ်ရှိ ပရဟိတ အသင်းများ စုပေါင်းကာ H1N1 Campaign များကို ဇူလိုင်လ ၂၈ ရက်နေ့က ၄၂ လမ်း ကုန်စိမ်းတန်းဈေးမှာ ဆောင်ရွက်ခဲ့ပါတယ်။

ရာသီတုပ်ကွေးရောဂါ Seasonal Influenza A (H1N1) ဟာ အသက်ရှုလမ်းကြောင်းကနေ လေမှတစ်ဆင့် ကူးစက်တဲ့ရောဂါဖြစ်တာကြောင့် ပြည်သူများဘက်ကလည်း ကျန်းမာရေးနှင့် အားကစားဝန်ကြီးဌာနက ထုတ်ပြန်ထားတဲ့ ကြေညာချက်များကို လိုက်နာဖို့လိုအပ်ပြီး လူထူထပ်တဲ့ နေရာများကို သွားလာခြင်းမှ ရှောင်ကြဉ်ကြရန်၊ မကြာခဏ လက်ဆေးခြင်းကို ပြုလုပ်ကြရန်၊ ချောင်းဆိုးနှာချေသည့် အခါတိုင်း လက်ကိုင်ပုဝါ တစ်ရှုးတို့ဖြင့် အသုံးပြုကာအုပ်ဆိုးရန်၊ လူထူထပ်တဲ့ နေရာများသို့ သွားလျှင်လည်း နှာခေါင်းစည်း mask များ တပ်ဆင် အသုံးပြုရန်နှင့် ကိုယ်ခံစွမ်းအား တက်စေတဲ့ အစားအစာများကို သုံးဆောင်ကြရန် ကြိုတင်သတိပေးထားပါတယ်။

 

 

Related News