ယူနိုက်တက်အမရဘဏ် တည်ထောင်ခြင်း(၇)နှစ်ပြည့်အထိမ်းအမှတ်အနေနဲ့ ရန်ကုန်မြို့နှင့် မန္တလေးမြို့များရှိ အမျိုးသားသွေးလှူဘဏ်များမှာ ယူနိုက်တက်အမရဘဏ် ၀န်ထမ်းများရဲ့ ဇီဝိတဒါနစုပေါင်းသွေးလှူခြင်းကို  သြဂုတ်လ(၅)ရက်နေ့မှာ တစ်ပြိုင်တည်းပြုလုပ်ခဲ့ကြတာပါ။ လူတွေရဲ့အသက်ကို ကယ်တဲ့နေရာမှာ အဓိကအရေးကြီးဆုံးလည်းဖြစ်ပြီး၊ မွန်မြတ်တဲ့ ဇီဝိတဒါန လည်းဖြစ်တဲ့ သွေးလှူဒါန်းခြင်းကို ယူနိုက်တက်အမရဘဏ်ရဲ့(၇)နှစ်ပြည့် အထိမ်းအမှတ် အလှူတစ်ခုအနေနဲ့ ပြုလုပ်တာဖြစ်တယ်လို့ သိရပါတယ်။ အမျိုးသားသွေးဌာနအနေနဲ့လည်း သွေးလှူဒါန်းသူတွေကို ကျန်းမာရေးစစ်ဆေးမှုတွေနဲ့ စနစ်တကျဆောင်ရွက်ပေးပြီး လူနာများအတွက် လိုအပ်နေတဲ့သွေးတွေကို အခုလို ဆက်သွယ်လာရောက်လှူဒါန်းမှုအတွက် ၀မ်းသာပီတိ ဖြစ်ရပါတယ်လို့ ပြောပါတယ်။ယူနိုက်တက်အမရဘဏ်ရဲ့ (၇)နှစ်ပြည့်အထိမ်းအမှတ်အတွက် ၀န်ထမ်းများစုပေါင်းပြုလုပ်တဲ့ ဇီဝိတဒါနသွေးလှူဒါန်းပွဲမှာ ယူနိုက်တက်အမရဘဏ်ခွဲများမှဝန်ထမ်း စုစုပေါင်း(၇၉)ယောက် လှူဒါန်းခဲ့ကြတာဖြစ်ပြီး၊ ရန်ကုန်မြို့ရှိ အမျိုးသားသွေးဌာနမှာဘဏ်ဝန်ထမ်း(၃၁)ယောက်နှင့် မန္တလေးမြို့ရှိ အမျိုးသားသွေးဌာနမှာ ဘဏ်ဝန်ထမ်း(၄၈)ယောက်တို့က သြဂုတ်လ(၅)ရက်နေ့ နံနက်(၈)နာရီမှာ တစ်ပြိုင်တည်း သွေးလှူဒါန်းခဲ့ကြတာဖြစ်တယ်လို့ သိရပါတယ်။
 
ကျန်းမာရေးအရအမှန်တကယ်လိုအပ်နေတဲ့ လူနာတွေကို အခုလိုလုပ်ဖော်ကိုင်ဖက်တွေနဲ့အတူတူ လှူဒါန်းခွင့်ရတဲ့ အတွက် ၀မ်းသာပီတိဖြစ်မိပါတယ်လို့ သွေးအလှူရှင်တစ်ဦးဖြစ်တဲ့ ယူနိုက်တက်အမရဘဏ် ၀န်ထမ်းတစ်ဦးမှ ပြောပါတယ်။ယခုလို (၇)နှစ်ပြည့်အထိမ်းအမှတ် ကျင်းပခြင်းကို ဒီသွေးလှူဒါန်းပွဲအပြင် လာမယ့် သြဂုတ်လ(၁၂)ရက်နေ့မှာ ရန်ကုန်မြို့မှာရှိတဲ့ ကြည့်မြင်တိုင် မျက်မမြင်ကျောင်းနဲ့ ခ၀ဲခြံမျက်မမြင် ကျောင်းတွေမှာလည်း ယူနိုက်တက်မိသားစုကနေ အလှူလုပ်သွားမှာ ဖြစ်တယ်လို့ သိရပါတယ်။ 
 
 
 

Related News