လက်ရှိဖြစ်ပွားမှုများနေတဲ့ H1N1ရောဂါနဲ့ပတ်သက်ပြီး အသိပညာပေးအလုပ်ရုံ ဆွေးနွေးပွဲ တစ်ခုကို ရွှေပြည်သာမြို့နယ်စက်မှုဇုန်(၁)ရဲ့ စီမံခန့်ခွဲရေးရုံးမှာ သြဂုတ်လ(၉)ရက် က ပြုလုပ်ခဲ့ပါ တယ်။ 
လုပ်ငန်းခွင်တွေမှာ လုပ်ကိုင်နေတဲ့ စက်ရုံအလုပ်ရုံတွေက လူသားအရင်းအမြစ်ဖွံ့ဖြိုး တိုးတက်ရေးဌာနတွေက အရာရှိတွေကို အလုပ်သမား၊ လူဝင်မှုကြီးကြပ်ရေးနဲ့ပြည်သူ့အင်အား ၀န်ကြီးဌာနက H1N1 ရောဂါနဲ့ပတ်သက်ပြီး အသိပညာပေးခဲ့တာဖြစ်ပါတယ်။

အခု အလုပ်ရုံ ဆွေးနွေးပွဲကရရှိတဲ့ အချက်အလက်တွေကို စက်ရုံအလုပ်ရုံတွေက ၀န်ထမ်းတွေကို ပြန်လည် အသိပညာပေးသွားစေမှာ ဖြစ်တယ်လို့ သိရပါတယ်။လက်ရှိဖြစ်ပွားမှုများနေတဲ့ ရာသီတုပ်ကွေးရောဂါနဲ့ ပတ်သက်ပြီး သိရှိရမယ့် အချက်အလက်တွေ၊ ကာကွယ်ရေးမှာသုံးသင့်တဲ့ နည်းလမ်းတွေနဲ့ရောဂါနဲ့ပတ်သတ်တဲ့ ဆောင်ရန်၊ ရှောင်ရန်တွေကို အလုပ်ရုံဆွေးနွေးပွဲမှာ  အဓိကထား ဟောပြောဆွေးနွေးခဲ့တယ်လို့ သိရပါတယ်။အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာနအနေနဲ့ ရွှေပြည်သာ မြို့နယ်မှ စက်ရုံ၊ အလုပ်ရုံတွေကို တစ်လတစ်ကြိမ် လိုက်လံပြီးကျန်းမာရေး အသိပညာပေးတာတွေ ပုံမှန်ပြုလုပ်နေကြဖြစ်တယ်လို့ သိရပါတယ်။

 

 

 

Related News