မြန်မာနိုင်ငံဆေးနှင့်ဆေးပစ္စည်းကုန်သည်များနှင့် လုပ်ငန်းရှင်များအသင်းမှ (၁၅)ကြိမ်မြောက် နှစ်ပတ်လည်အသင်းသားစုံညီအစည်းဝေးကို သြဂုတ်လ(၉)ရက်က ရန်ကုန်မြို့ UMFCCI မှာ ကျင်းပပြုလုပ်ခဲ့ပါတယ်။ဆေးနှင့်ဆေးပစ္စည်းကုန်သွယ်မှုလုပ်ငန်းမှာ တိုင်းရင်းသားကုန်သည်များနှင့်လုပ်ငန်းရှင်များ ဦးဆောင်ပြီး နိုင်ငံတော်၏ကျန်းမာရေးဖွံ့ဖြိုးတိုးတက်မှုလုပ်ငန်းမှာ တစ်ဖက်တစ်လမ်းမှ ပါဝင်ဆောင်ရွက်ရန်လိုအပ်ပြီး အသင်းသားအချင်းချင်း မှန်ကန်တဲ့အကျိုးစီးပွားဖြစ်ထွန်းစေမယ့် လုပ်ဆောင်မှုတွေမှာ ညီညွတ်စွာပူးပေါင်းဆောင်ရွက်စေလို့တဲ့ ရည်ရွယ်ချက်နဲ့ အခုလိုနှစ်ပတ်လည် အစည်းအဝေးကို ကျင်းပတာဖြစ်တယ်လို့ သိရပါတယ်။
 
အစားအသောက်နှင့်ဆေးဝါးကွပ်ကဲရေးဦးစီးဌာနမှ သက်တမ်းလွန်ဆေးဝါးတွေနဲ့ တရားမ၀င် တင်သွင်းတဲ့ဆေးဝါးတွေကို သိမ်းဆည်းဖျက်စီးရာမှာ မြန်မာနိုင်ငံဆေးဝါးလုပ်ငန်းရှင် အသင်းအနေနဲ့ ပူးပေါင်းပြီး ဆောင်ရွက်နေတယ်လို့ သိရပါတယ်။ သက်တမ်းလွန်ဆေးဝါးတွေနဲ့ တရားမ၀င် တင်သွင်းတဲ့ဆေးဝါးတွေကိုသုံးစွဲပါက လူ့ခန္ဓာကိုယ်မှာရှိတဲ့ အသည်း၊ ကျောက်ကပ် စတဲ့အရာတွေ ကိုပါ ပျက်စီးစေနိုင်တဲ့ ဘေးထွက်ဆိုးကျိုးတွေသာရရှိတယ်လို့ ပြောပါတယ်။
 
မြန်မာနိုင်ငံဆေးနှင့်ဆေးပစ္စည်းကုန်သည်များနှင့် လုပ်ငန်းရှင်များအသင်းအနေနဲ့ ပြည်တွင်းမှာ သုံးစွဲနေတဲ့ အဓိကဆေးဝါးမပြတ်လပ်စေဖို့နဲ့ ဆေးဝါးတွေရဲ့ဈေးနှုန်းတွေတည်ငြိမ်မှု ရှိလာစေရန် လုပ်ဆောင်သွားမယ်လို့လည်း သိရပါတယ်။ ဒါ့အပြင် ပြည်တွင်းမှာဆေးဝါးထုတ်လုပ်မှု ပိုမိုဖွံ့ဖြိုးလာပြီး တရားမ၀င်ဆေးဝါးတင်သွင်မှုတွေကို ပပျောက်အောင် တားဆီးကာကွယ်မှုတွေ ပြုလုပ်သွားမယ်လို့ သိရပါတယ်။ 
 
 
 

Related News