ထားဝယ်မြို့နယ်မှာပြီးခဲ့တဲ့ ဇူလိုင်လ(၂၁)ရက်မှ သြဂုတ်လ(၃)ရက်အထိ ဖြစ်ပွားခဲ့တဲ့ အပြင်းစားကြက်ငှက်တုပ်ကွေး(H5N1)ရောဂါကြောင့် ကြက်၊ ဘဲမွေးမြူရေးသမားများ အနေနဲ့ အကောင်ရေ(၂၅၇၀၀)ကျော် ဆုံးရှုံးခဲ့တယ်လို့ တနသာင်္ရီတိုင်းဒေသကြီး၊ မွေးမြူရေးနှင့် ကုသရေးဦးစီးဌာနမှ သိရပါတယ်။

အပြင်းစားကြက်ငှက်တုပ်ကွေး (H5N1)ကြောင့် တနသာင်္ရီတိုင်းဒေသကြီး ထားဝယ်မြို့နယ်မှာ ကြက်အကောင်ရေ (၂၅၆၁၃)ကောင်နဲ့ ဘဲအကောင်ရေ (၁၂၅)ကောင်၊ စုစုပေါင်း(၂၅၇၃၈)ကောင် ဆုံးရှုံးခဲ့တယ်လို့ သိရပါတယ်။ဒီလို (H5N1)  ဗိုင်းရပ်နောက်ဆုံးတွေ့ရှိခဲ့တဲ့ သြဂုတ်လ(၃)ရက်မှ နောက်ထပ်(၂၁) ရက်အတွင်း ရောဂါကင်းရှင်းရေးလုပ်ငန်းတွေ လုပ်ဆောင်နေတာဖြစ်ပြီး ရောဂါဖြစ်ပွားမှု မရှိမှသာ ကန့်သတ်ထားတဲ့ ကြက်ဥ၊ ကြက်သားရောင်းချမှုပိတ်ပင်ထားတာတွေကို ပြန်လည် ရောင်းချခွင့်ပေး သွားမယ်လို့သိရပါတယ်။

ရက်ပေါင်း(၂၁)ရက်ပြည့်လို့ ရောဂါကင်းစင်ကြောင်းကြေညာပြီးရင်တော့ နောက်ထပ်ရက်ပေါင်း (၉၀) ပြည့်မှသာ ကြက်၊ ဘဲများ ပြန်လည်မွေးမြူရမှာဖြစ်တယ်လို့ မွေးမြူရေးနှင့်ကုသရေးဦးစီးဌာနမှ ပြောကြားထားတာဖြစ်တယ်လို့သိရပါတယ်။ ဒါ့အပြင် ရက်ပေါင်း(၉၀)ပြည့်သွားရင်တော့ ကြက်မွေးမြူရေးသမားများအတွက် လိုအပ်နေတဲ့ မတည်ငွေတွေကို တိုင်းဒေသကြီးအစိုးရ အနေနဲ့နိုင်ငံတော်သမ္မတထံ အကူအညီတောင်းသွားဖို့ အစီအစဉ်ရှိတယ်လို့သိရပါတယ်။ 

 

 

Related News