အဏုအဟာရချို့တဲ့ခြင်းကို အဟာရဖြည့်ဆန်ဖြင့် တိုက်ဖျက်ခြင်း သတင်းစာရှင်းလင်းပွဲကို သြဂုတ်လ ၁၈ ရက်က နိုဗိုတယ်ဟိုတယ်မှာ ပြုလုပ်ခဲ့ပါတယ်။မြန်မာနိုင်ငံရဲ့ အဓိကအခြေခံ အစားစာဖြစ်တဲ့ဆန်မှာ အာဟာရဓါတ်းတွေ ဖြစ်တဲ့ သံဓါတ်၊ ဗီတာမင်အေ၊ ဗီတာမင် B1, B3, B6 ဖောလစ်အက်စစ် အစရှိတဲ့ ဗီတာမင်နဲ့ သတ္တုဓါတ်(၈)မျိုးကို ဖြည့်ပေးထားတာဖြစ်တယ်လို့ သိရပါတယ်။ ဒါ့ကြောင့် စားသုံးမှုအလေ့အထ ပြောင်းလဲဖို့မလိုပဲ ကျန်းမာရေးကောင်းမွန်ခြင်း၊ အလုပ်လုပ်နိုင်စွမ်းကောင်းခြင်းနဲ့ ဉဏ်ရည်ဖွံ့ဖြိုးခြင်း အစရှိတဲ့ အကျိုးကျေးဇူးများရရှိစေတဲ့အပြင်၊ နောက်ဆက်တွဲဆိုးကျိုးများစွာဖြစ်စေနိုင်တဲ့ အဏုအာဟာရချို့တဲ့မှုကိုပါ တိုက်ဖျက်ရာမှာအကျိုးရှိတဲ့ နည်းလမ်းတစ်ခုလည်းဖြစ်တာကြောင့် ကလေးငယ်များနဲ့ ကိုယ်ဝန်ဆောင်မိခင်များအတွက် အဓိက ရည်ရွယ်ထုတ်လုပ်မှာ ဖြစ်တယ်လို့ သိရပါတယ်။
 
ဒီစီမံကိန်းဟာ လက်ရှိမှာတော့ နေပြည်တော်ကောင်စီအပါအ၀င်  ပြည်နယ်နဲ့ တိုင်းဒေသကြီး(၄)ခုနဲ့ မူကြိုကျောင်း(၅၁)ကျောင်းတို့မှ မူကြိုကလေးငယ်များကို ကျွေးနိုင်ခဲ့တာ ဖြစ်တယ်လို့ သိရပါတယ်။အာဟာရပြည့်ဆန်ကို PATH မှ အသက်မွေးဝမ်းကျောင်းနဲ့ စားနပ်ရိက္ခာဖူလုံရေး ရန်ပုံငွေ (LIFT) ရဲ့ အကူအညီနဲ့ ၂၀၁၅ခုနှစ်မှာ မိတ်ဆက်နိုင်ခဲ့ပြီး၊ လူနေထူထပ်တဲ့ဒေသတွေဖြစ်တဲ့ ရန်ကုန်တိုင်းဒေသကြီးနဲ့ ဧရာဝတီတိုင်းဒေသကြီး တို့မှာ အစပြုပြီး ၂၀၁၈ခုနှစ်အထိ တစ်နိုင်ငံလုံးစားသုံးနိုင်ဖို့  တိုးမြှင့်လုပ်ဆောင်သွားမှာဖြစ်တယ်လို့ သိရပါတယ်။အာဟာရဖြည့်ဆန်ထုတ်လုပ်နိုင်ဖို့အတွက် ပုဂ္ဂလိကလုပ်ငန်းရှင်များဖြစ်တဲ့ အာဟာရဖြည့် ဆန်စေ့ ထုတ်လုပ်သူ၊ ရောမွှေစက်တပ်ဆင်ပေးသူနဲ့ ဆန်စက်လုပ်ငန်းရှင်တွေကို PATH က လိုအပ်တဲ့နည်းပညာများနဲ့ ပံ့ပိုးကူညီးပေးတာဖြစ်တယ်လို့ သိရပါတယ်။ ယခုအခါ အာဟာရဖြည့် ဆန် 5kg ကို ၅၀၀၀ ကျပ်ဝန်းကျင်၊ 2kg ကို ၂၁၀၀ ကျပ်ဝန်းကျင်၊ 1kg ကို ၁၀၀၀ ၀န်းကျင်နဲ့ နီးစပ်ရာ စူပါမားကတ်များနဲ့ လက်လီရောင်းချသူများဆီက ၀ယ်ယူနိုင်ပြီဖြစ်ပြီး၊ မကြာမီ အချိန်မှာတော့ အလွှာပေါင်းစုံမှ စားသုံးသူများအတွက် ဈေးများမှာ ၀ယ်ယူနိုင်တော့မှာ ဖြစ်တယ်လို့ သိရပါတယ်။
 
 

Related News