၂၀၁၇ နိုင်ငံတကာအဆင့် ဆေးပညာနှီးနှောဖလှယ်တဲ့ ညီလာခံကို မြန်မာနိုင်ငံက အိမ်ရှင် အဖြစ် ပထမဆုံး လက်ခံကျင်းပနေတာဖြစ်ပါတယ်။ဆေးပညာ ညီလာခံကို စက်တင်ဘာလ ၂၉ ရက်ကနေ အောက်တိုဘာလ ၁ ရက်အထိ ပြုလုပ်သွားမှာဖြစ်ပြီး မြန်မာနိုင်ငံဆရာဝန် အသင်း(ဆေးပညာအဖွဲ့က) တာဝန်ယူ စီစဉ်နေတာဖြစ်ပါတယ်။ ယခုပြုလုပ်နေတဲ့ ဆေးပညာ ညီလာခံက ခွဲစိတ်ကုသမှုမပါဝင်တဲ့ ဆေးပညာရပ် နယ်ပယ်မှ ပညာရှင်များ တွေ့ဆုံဆွေးနွေးတာဖြစ်ပြီး အာဆီယံဒေသတွင်း ဆေးပညာရှင်အဖွဲ့(AFIM) နဲ့ အမေရိကန်နိုင်ငံမှ ဆေးပညာအဖွဲ့(ACP)တို့ ပူးပေါင်းပါဝင်မှာ ဖြစ်ပါတယ်။ ဒီလို ညီလာခံတွေ ကနေ ဆေးပညာရပ်ဆိုင်ရာ ဘွဲ့လွန်ကျောင်းသားတွေအတွက် နိုင်ငံတကာဆေးပညာအတွေ့အကြုံ တွေ ရနိုင်သလို မြန်မာနိုင်ငံရဲ့ ဆေးကုသမှုအပိုင်းကို မြှင့်တင်ပေးနိုင်မယ့် နည်းပညာတွေ ရရှိနိုင်တယ်လို့ပြောပါတယ်။
 
ညီလာခံ ပြုလုပ်နေတဲ့ သုံးရက်အတွင်း ဆေးပညာဆိုင်ရာ အချက်အလက်တွေ အပြင် အမေရိကန်နိုင်ငံနဲ့ အာဆီယံ ဒေသတွင်းနိုင်ငံတွေရဲ့  လက်ရှိ ဆေးပညာသင်ကြားရေးစနစ်ကိုပါ ထည့်သွင်းဆွေးနွေးမယ်လို့ သိရပါတယ်။ တက်ရောက်လာတဲ့ နိုင်ငံပေါင်းစုံမှ ပညာရှင်တွေက ကိုယ်တွင်း အင်္ဂါတစ်ခုချင်းအလိုက် ရောဂါတွေကို ဆွေးနွေးကြမှာဖြစ်ပါတယ်။ဆေးပညာ နှီးနှောဖလှယ်ပွဲကို နှစ်နှစ်တစ်ကြိမ်ပြုလုပ်နေတာဖြစ်ပြီး ယခုပြည်တွင်းမှာ လက်ခံကျင်းပနေတဲ့ ဆေးပညာညီလာခံက ၁၈ ကြိမ်မြောက်ဖြစ်တယ်လို့သိရပါတယ်။ဆေးပညာ ညီလာခံကို အမေရိကန်၊ ဗြိတိန်၊ အိနိ်္ဒယ၊ ထိုင်းနဲ့ သီရိလင်္ကာနိုင်ငံများက ဆေးပညာရှင် ၆၀၀ ကျော် တက်ရောက်ခဲ့ပါတယ်။ 
 
 

Related News