ဂျပန်ဦးနှောက်ရောင်ကာကွယ်ဆေးကို တစ်နိုင်ငံလုံးကစာသင်ကျောင်းတွေမှာ နိုဝင်ဘာလ(၁၅)ရက် ကနေ(၂၃)ရက်အထိ ထိုးနှံပေးသွားမယ်လို့ ကျန်းမာရေးနှင့်အားကစားဝန်ကြီးဌာနက ထုတ်ပြန်ထားပြီး ဖြစ်ပါတယ်။ ကျောင်းအခြေပြုကာကွယ်ဆေးထိုးလုပ်ငန်းမှာ အသက်ငါးနှစ်ကနေ ဆယ့်ငါးနှစ်အထိ ကျောင်းနေအရွယ်ကလေးများကို ထိုးနှံပေးသွားမှာဖြစ်တယ်လို့သိရပါတယ်။  ပြည်တွင်းမှာ ဂျပန်ဦးနှောက်ရောင်ရောဂါ ဖြစ်ပွားနေသူ(၉၀)ရာခိုင်နှုန်းက အသက်ကိုးလမှ ဆယ့်ငါးနှစ် အရွယ်ကလေးတွေ ဖြစ်ပါတယ်။

ဒါကြောင့် ကာကွယ်ဆေးအသစ်ဖြစ်တဲ့ ဂျပန်ဦးနှောက်ရောင် ကာကွယ်ဆေးကို လက်ရှိစာသင်ကြားနေတဲ့ လက်ရှိအသက်(၅)နှစ်ကနေ ဆယ့်ငါးနှစ်အရွယ် ကလေးတွေထိုးနှံခွင့်ရအောင် GAVI ရဲ့ အကူအညီနဲ့ နိုဝင်ဘာလမှစပြီး စာသင်ကျောင်းတွေမှာ ထိုးနှံပေးသွားမှာဖြစ်ပါတယ်။

ဒါပေမယ့်၂၀၁၈ ခုနှစ် ဇန်န၀ါရီလမှစပြီး ဂျပန်ဦးနှောက်ရောင် ကာကွယ်ဆေးကို ပုံမှန်ကာကွယ်ဆေးထိုးအစီအစဉ်မှာ ထည့်သွင်းပြီး (၉)လအရွယ်ကလေးတွေကိုသာ ထိုးနှံပေးတော့မှာဖြစ်ပါတယ်။ဂျပန်ဦးနှောက်ရောင်ကာကွယ်ဆေးကို မူလတန်း၊ မူလတန်းလွန်၊ အလယ်တန်း၊ အထက်တန်းကျောင်းတွေအပြင် ဘုန်းတော်ကြီးသင် ပညာရေးကျောင်းတွေနဲ့ ပုဂ်္ဂလိကစာ သင်ကျောင်းတွေမှာပါ စုရပ်တွေသတ်မှတ်ပေးပြီး ထိုးနှံပေးမယ်လို့ ကျန်းမာရေးနှင့်အားကစားဝန်ကြီး ဌာနက ထုတ်ပြန်ထားပါတယ်။

လက်ရှိမှာတော့ ကာကွယ်ဆေးထိုးလုပ်ငန်းအကြိုအနေနဲ့ “ဂျပန်ဦးနှောက်ရောင်ကာကွယ်ဆေးကလေးများအားလုံးထိုးနှံပေး”ဆိုတဲ့ခေါင်းစဉ်နဲ့ အသိပညာပေး ကာလပြုလုပ်နေပြီး ကာကွယ်ဆေးတွေနဲ့ ထိုးနှံပေးမယ့်ကျန်းမာရေးဝန်ထမ်းတွေ အဆင့်သင့်ဖြစ်နေပြီလို့ သိရပါတယ်။ဂျပန်ဦးနှောက်ရောင်ကာကွယ်ဆေး အစုလိုက်ထိုးနှံပေးတဲ့လုပ်ငန်းကို ၂၀၁၇ နှစ်ကုန်အပိုင်းထိ ကလေးငယ်(၁၄)သန်းကို ထိုးနှံပေးဖို့ ရည်ရွယ်ထားပြီး ဒီဇင်ဘာလ(၁၁)ရက်မှ(၂၀)ရက်အတွင်းမှာတော့ အသက်(၉)လမှ ငါးနှစ်အရွယ်ကလေးတွေ၊ အသက်(၁၅)နှစ်အောက် ကျောင်းမနေတဲ့ကလေးတွေကို လိုက်လံထိုးနှံပေးမှာ ဖြစ်ပါတယ်။ ၂၀၁၆ ခုနှစ်အတွင်း တစ်နိုင်ငံလုံးမှာ ဂျပန်ဦးနှောက်ရောင် ရောဂါဖြစ်ပွားသူဦးရေ ၄၀၀ အထိ ရှိခဲ့တယ်လို့ ကျန်းမာရေးနှင့်အားကစားဝန်ကြီးဌာနမှသိရပါတယ်။

 

 

 

 

Related News