အဌမအကြိမ်မြောက်ပြုလုပ်တဲ့ အရှေ့တောင်အာရှဒေသဆိုင်ရာ ကိုယ်အင်္ဂါပြန်လည် သန်စွမ်းရေးဆေးပညာအဖွဲ့ရဲ့  ညီလာခံကို မြန်မာနိုင်ငံမှာ ပထမဆုံးအကြိမ်အဖြစ် နိုဝင်ဘာ(၈) ရက်နဲ့(၉)ရက်နေ့တွေမှာ ရန်ကုန်မြို့ ဆူးလေရှန်ဂီလာမှာပြုလုပ်နေတာဖြစ်ပါတယ်။ ဒီညီလာခံမှာ အရှေ့တောင်အာရှဒေသအတွင်းနိုင်ငံတွေရဲ့ ကိုယ်အင်္ဂါပြန်လည် သန်စွမ်းရေး ဆေးပညာရှင်တွေက ဆေးပညာဆိုင်ရာအတွေ့အကြုံတွေ၊ သုတေသနပြုချက်တွေကို တင်ပြဆွေးနွေးခဲ့ကြတာဖြစ်ပါတယ်။

အခုလို အရှေ့တောင်အာရှနိုင်ငံတွေရဲ့တိုးတက်နေတဲ့ ကိုယ်အင်္ဂါပြန်လည်သန်စွမ်းရေး ဆေးပညာ ဆိုင်ရာ အတွေ့အကြုံတွေကို ဖလှယ်ခြင်းအားဖြင့် မြန်မာနိုင်ငံအတွင်းမှာရှိတဲ့ ကိုယ်အင်္ဂါပြန်လည်သန်စွမ်းရေး ဆေးပညာဆိုင်ရာ ဆရာဝန်တွေအတွက် နည်းပညာ၊ ဗဟုသုတတွေရရှိပြီး လူနာတွေကို ဆေးပညာဗဟုသုတတွေနဲ့ လက်တွေ့အသုံးချ ကုသနိုင်မယ်လို့ သိရပါတယ်။

အရှေ့တောင်အာရှဒေသဆိုင်ရာ ကိုယ်အင်္ဂါပြန်လည်သန်စွမ်းရေး ဆေးပညာအဖွဲ့ရဲ့ အဌမအကြိမ်မြောက်ပြုလုပ်တဲ့ ဆေးပညာဆိုင်ရာညီလာခံမှာ အရှေ့တောင်အာရှဒေသအတွင်းက ကိုယ်အင်္ဂါပြန်လည်သန်စွမ်းရေး ဆေးပညာဆိုင်ရာဆရာဝန်တွေ၊ အာရှပစိဖိတ်ဆိုင်ရာ ဒေသ အတွင်းက ပညာရှင်တွေအပြင် အမေရိကန်၊ ဟောင်ကောင်၊ ထိုင်ဝမ်၊ တရုတ်၊ ဂျာမနီ၊ အီတလီ၊ ဂျပန်၊ ကိုရီးယားအစရှိတဲ့နိုင်ငံတွေမှ ဆေးပညာရှင်တွေ ပါဝင်ဆွေးနွေးသွားမယ်လို့ သိရပါတယ်။

ယခုပြုလုပ်ခဲ့တဲ့ ကိုယ်အင်္ဂါပြန်လည် သန်စွမ်းရေးဆေးပညာဆိုင်ရာ နှီးနှောဖလှယ်ပွဲမှ ရရှိတဲ့အတွေ့အကြုံတွေမှတစ်ဆင့် မြန်မာနိုင်ငံအတွင်းရှိဆေးပညာရှင်များ၊ ဘွဲ့လွန် ဆေးပညာ သင်တန်းသားများ၊ ကျန်းမာရေးဝန်ထမ်းများအတွက်ပါ အသိပညာဗဟုသုတ တိုးပွားခြင်းနဲ့ ဆေးကုသမှုအရည်အသွေးမြှင့်တင်ပေးနိုင်ခြင်းစတဲ့ အကျိုးကျေးဇူးတွေ ရရှိနိုင်တယ်လို့ သိရပါတယ်။ 

 

 

Related News