ဆေးတက္ကသိုလ်(၁)ကျောင်းသား၊ ကျောင်းသူဟောင်းများမှ တွံတေးမြို့နယ် ပြသတိုက်ကျေးရွာ အုပ်စုမှာ နိုဝင်ဘာ(၁၃)ရက်က ဆေးဝါးအခမဲ့ကုသပေးခဲ့ပါတယ်။ တွံတေးမြို့နယ်၊ ပြသတိုက်ကျေးရွာအုပ်စုကို ဆေးတက္ကသိုလ် (၁)ကျောင်းသား၊ ကျောင်းသူ ဟောင်းများမှ လာရောက်ဆေးကုသပေးတာ ဒုတိယအကြိမ်ရှိပြီဖြစ်ပါတယ်။ ဒီလိုလာရောက် ကုသရာမှာ သမားတော်ကြီးများ၊ အထွေထွေရောဂါကုဆရာဝန်များ၊ သားဖွားနှင့် မီးယပ်အထူးကု ဆရာဝန်များ၊ အရိုးအကြောအထူးကုဆရာဝန်များ၊ မျက်စိအထူးကုဆရာဝန်များ၊ အရေပြားအထူးကု ဆရာဝန်များစတဲ့ ဆေးပညာနယ်ပယ်အသီးသီးမှ ဆရာဝန်များက ကျေးရွာနေပြည်သူတွေကို အခမဲ့ကုသိုလ်ဖြစ် ဆေးဝါးကုသပေးခဲ့တာ ဖြစ်ပါတယ်။
 
အခုလိုဆေးဝါးအခမဲ့ကုသပေးမှုကို ပြသတိုက်ကျေးရွာအုပ်စုထဲမှာရှိတဲ့ ငှက်ပျောတန်းကျေးရွာ အုပ်စု၊ ခလုတ်ကျေးရွာအုပ်စုအပြင် ကျေးရွာငယ်လေးတွေကလည်း လာရောက်ကုသကြတာ ဖြစ်ပါတယ်။ 
 
တွံတေးမြို့နယ်ပြသတိုက်ကျေးရွာအုပ်စုမှာ ကျေးလက်ကျန်းမာရေးဆေးပေးခန်း တစ်ခုသာရှိပြီး မြို့ဆေးရုံကိုလည်း သွားရောက်ကုသနိုင်သူနည်းပါးတာကြောင့် အခမဲ့လာရောက် ကုသပေးတဲ့ဆရာဝန်တွေအနေနဲ့ဆေးဝါးတွေ ရှားပါးတဲ့ဒေသတွေကို သွားရောက်ကုသပေးတာ ဖြစ်ပါတယ်။
 
ဆေးတက္ကသိုလ်(၁)ကျောင်းသား၊ ကျောင်းသူဟောင်းများအဖွဲ့အနေနဲ့ ရေဘေးဒဏ်ခံစားခဲ့ရတဲ့ ဒေသတွေဖြစ်တဲ့ ဧရာဝတီတိုင်းဒေသကြီး၊ ပဲခူးတိုင်းဒေသကြီးတို့မှာပါ အခမဲ့ဆေးဝါးကုသပေးခဲ့ပြီး နောက်ပိုင်းမှာလည်း ဖျာပုံဘက်တွေအပြင် အနယ်နယ်အရပ်ရပ်တွေကိုပါ သွားရောက်ကုသပေး သွားမယ်လို့ သိရပါတယ်။
 
 
 

Related News