ဗိုလ်တတောင်မြို့နယ်မှာ ကျောင်းတက်နေတဲ့ အသက်ငါးနှစ်ကနေ တစ်ဆယ့်ငါးနှစ်အရွယ် ကျောင်းနေကလေး ခုနစ်ထောင်ကျော်ကို ဂျပန်ဦးနှောက်ရောင်ကာကွယ်ဆေး ထိုးနှံပြီးစီးခဲ့ပြီ ဖြစ်တယ်လို့သိရပါတယ်။ 
 
စာသင်ကျောင်းတွေမှာ ကာကွယ်ဆေး စတင်ထိုးနှံပေးနေတဲ့ နိုဝင်ဘာ ၁၅ ရက်ကနေ ဒီကနေ့ နိုဝင်ဘာ ၂၂ ရက်အထိ ဗိုလ်တထောင်မြို့နယ်က ကျောင်းနေကလေးခုနစ်ထောင်ကျော်ကို ဂျပန်ဦးနှောက်ရောင် ကာကွယ်ဆေး ထိုးနှံပြီးစီးခဲ့ပြီး ဖြစ်တယ်လို့ သိရပါတယ်။ ကာကွယ်ဆေးနဲ့ မတည့်တဲ့ ကလေးတွေအပြင် အဖျားရှိနေတာ၊ ၀မ်းသွားနေတာ၊ တီဘီဆေးကို နှစ်လအတွင်း သောက်နေတာ၊ ပိုးသတ်ဆေးကို တစ်ပတ်အတွင်း 
သောက်နေတဲ့ ကလေးတွေကို ကာကွယ်ဆေး မထိုးပဲ ပြန်လွှတ်ပေးပြီး ရပ်ကွက်အခြေပြု ကာကွယ်ဆေးထိုးလုပ်ငန်းမှာ ထိုးနှံခိုင်းတယ်လို့ သိရပါတယ်။
 
ဒီနေ့ကာကွယ်ဆေးထိုးနှံပေးနေတဲ့ အမှတ်(၆)ဗိုလ်တထောင် အထက်တန်းကျောင်းနဲ့ အမှတ်(၁) ဗိုလ်တထောင် အလယ်တန်းကျောင်းတွေမှာတော့ ကာကွယ်ဆေးထိုးနှံတဲ့ လုပ်ငန်း (၈၉)ရာခိုင်နှုန်းပြီးစီးခဲ့တယ်လို့ သိရပြီး နေမကောင်းတာကြောင့် ပြန်လွှတ်ပေးခဲ့ရတဲ့ကလေး အယောက်(၁၀၀)ရှိတယ်လို့် သိရပါတယ်။ ကာကွယ်ဆေးထိုးလုပ်ငန်းစဉ်အတွင်း ကောလဟာလတွေ ထွက်ပေါ်ခဲ့တာကြောင့် ကလေးမိဘတွေက ကာကွယ်ဆေးထိုးနှံတာကို စိုးရိမ်မိကြတယ်လို့ ပြောကြပါတယ်။  
 
ဗိုလ်တထောင်မြို့နယ်မှာ အစိုးရကျောင်း ၁၃ ကျောင်းနဲ့ ကိုယ်ပိုင်အထက်တန်းကျောင်း တစ်ကျောင်းရှိပြီး ကျောင်းနေကလေး တစ်သောင်းတစ်ထောင်ကို ထိုးနှံပေးသွားမယ်လို့သိရပါတယ်။ နိုဝင်ဘာ ၂၃ ရက်မှာ ကျောင်းအခြေပြုကာကွယ်ဆေးထိုးလုပ်ငန်း ပြီးဆုံးမှာဖြစ်ပြီး ရန်ကုန်တိုင်းအတွင်း ကျောင်းနေကလေး ၁၁ သိန်းကို ထိုးနှံပေးဖို့ ရည်ရွယ်ထားတယ်လို့ သိရပါတယ်။
 
 
 
 

Related News