ပြည်တွင်းမှာ လုပ်ငန်းခွင်ဘေးအန္တရာယ်ကင်းရှင်းရေးနှင့် ကျန်းမာရေးဆိုင်ရာ အသိပညာ မြှင့်တင်ရေးလှုပ်ရှားမှုကို ဇန်န၀ါရီ(၁၃)ရက်က ပဲခူးတိုင်းဒေသကြီးမှာ စတင်လုပ်ဆောင်နေပါတယ်။ လုပ်ငန်းခွင်ဘေးအန္တရာယ်ကင်းရှင်းရေးနှင့် ကျန်းမာရေးဆိုင်ရာ အသိပညာမြှင့်တင်ရေး လှုပ်ရှားမှုကို ပဲခူးတိုင်းဒေသကြီးမှာ စတင်လုပ်ဆောင်တာဖြစ်ပြီး ပဲခူးမြို့ ဥဿာကျော်ဟိုတယ်မှာ ဇန်န၀ါရီ (၁၃)ရက်က အခမ်းအနားဖွင့်ပွဲ ကိုကျင်းပပြုလုပ်ခဲ့ပါတယ်။ ဒီလှုပ်ရှားမှုကို အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ အလုပ်ရုံနှင့် အလုပ်သမားဥပဒေ စစ်ဆေးရေး ဦးစီးဌာန၊ အပြည်ပြည်ဆိုင်ရာအလုပ်သမားရေးရာအဖွဲ့(ILO)နဲ့ လုပ်ငန်းခွင်အန္တရာယ် ကင်းရှင်းရေးနဲ့ ကျန်းမာရေးဂျာနယ် WSH Myanmar  တို့ ပူးပေါင်းပြီး လုပ်ဆောင်တာပါ။
 
အခမ်းအနားဖွင့်ပွဲကို ပဲခူးတိုင်းဒေသကြီး စီမံကိန်းနှင့်ဘဏ္ဍာရေးဝန်ကြီး ဦးညွန်ရွှေနဲ့ အလုပ်ရှင်နှင့် အလုပ်သမားများ တက်ရောက်ခဲ့ကြပါတယ်။ဒီလုပ်ငန်းခွင်ဘေးအန္တရာယ်ကင်းရှင်းရေးနှင့် ကျန်းမာရေးဆိုင်ရာ အသိပညာမြှင့်တင်ရေး လှုပ်ရှားမှုကို ဇန်န၀ါရီ (၁၃)ရက်ကနေ(၁၄)ရက်ထိ ၂ရက်တာ ကျင်းပပြုလုပ်ခဲ့တာ ဖြစ်ပါတယ်။ လူငယ်အလုပ်သမားတွေ ကြုံတွေ့နေရတဲ့ဘေးအန္တရာယ်တွေနဲ့ အန္တရာယ်ဖြစ်နိုင်ခြေတွေအပေါ် အခြေခံအသိအမြင်တွေနဲ့ ဗဟုသုတမြှင့်တင်ပေးတာ၊ အစိုးရ၊ အလုပ်ရှင်၊ အလုပ်သမားစတဲ့  သုံးပွင့်ဆိုင်အဖွဲ့အစည်းတွေကို လုပ်ငန်းခွင်ဘေးအန္တရာယ်တွေနဲ့ အန္တရာယ်ဖြစ်နိုင်ခြေတွေကို ကိုင်တွယ်ဖြေရှင်းတာ၊ လိုအပ်တဲ့ ကျွမ်းကျင်မှုတွေပံ့ပိုးပေးတာတွေနဲ့ လုပ်ငန်းခွင်ကျန်းမာရေးဆိုင်ရာ စွမ်းဆောင်ရည်တွေမြှင့်တင်တာ စတဲ့အချက်တွေကို သင်ကြားပေးခဲ့ပါတယ်။
 
ဒီလှုပ်ရှားမှုကို ပဲခူးတိုင်းဒေသကြီးအပါအ၀င် တိုင်းဒေသကြီးနှင့် ပြည်နယ်(၅)ခုမှာ လုပ်ဆောင်သွားမှာဖြစ်ပြီး ဧရာဝတီတိုင်းဒေသကြီးမှာ ဇန်န၀ါရီ(၂၀)ရက်ကနေ(၂၁)ရက်ထိ၊ ကရင်ပြည်နယ်မှာ ဇန်န၀ါရီ (၂၇)ရက်ကနေ (၂၈)ရက်ထိ၊ မန္တလေးတိုင်းဒေသကြီးမှာ ဖေဖော်ဝါရီ ၃ရက်၎ရက်၊ ရန်ကုန်တိုင်းဒေသကြီးမှာ ဖေဖော်ဝါရီ ၁၀ ရက်နဲ့ ၁၁ရက်တို့မှာ ပြုလုပ်သွားမှာ ဖြစ်ပါတယ်။ ဟောပြောဆွေးနွေးပွဲကိုတော့ မည်သူမဆိုတက်ရောက်နိုင်ပြီး အခြေခံသင်တန်းကိုတော့  စက်ရုံ။ အလုပ်ရုံ လုပ်ငန်းတစ်ခုက စီမံခန့်ခွဲရေးအဆင့်ရှိသူ(၂)ဦး၊ အလုပ်သမားကိုယ်စားလှယ် (၂)ဦးစီ အခမဲ့တက်ရောက်သင်ကြားနိုင်ပြီး  သင်တန်းဆင်းလက်မှတ်လဲ ပေးအပ်သွားမှာ ဖြစ်တယ်လို့ သိရပါတယ်။
 
 
 

Related News