၂၀၁၃ ခုနှစ်တည်းက ဆင်ခြေထောက်ရောဂါ သန်ချဆေးပေါင်းကို တစ်နှစ်တစ်ကြိမ် တစ်နိုင်ငံလုံးအတိုင်းအတာနဲ့ ပုံမှန်တိုက်ကျွေးခဲ့ပြီး ယခု ၂၀၁၈ ခုနှစ်ဖြစ်တဲ့ နောက်ဆုံးနှစ်မှာတော့ ဆင်ခြေထောက်ရောဂါအမြစ်ပြတ် ပျောက်ကင်းဖို့ ဇန်န၀ါရီ ၂၁ ရက်ကနေ ၃၁ ရက်အထိ စုစုပေါင်း ဆယ်ရက်တာကာလအတွင်း တိုက်ကျွေးမှာ ဖြစ်ပါတယ်။ ကမ္ဘာ့ကျန်းမာရေးအဖွဲ့က ဆင်ခြေထောက်ရောဂါ သန်ချဆေးပေါင်းကို ငါးနှစ်ဆက်တိုက် တိုက်ကျွေးရန် သတ်မှတ်ထားပြီး မြန်မာနိုင်ငံမှာတော့ ၂၀၁၃ ခုနှစ်တည်းက ပုံမှန်တိုက်ကျွေးခဲ့ပါတယ်။ ယခု ၂၀၁၈ ခုနှစ်မှာတော့ ၂၀၁၇ ခုနှစ်အတွက် သန်ချဆေးပေါင်း တိုက်ကျွေးမှာဖြစ်ပြီး နောက်ဆုံးနှစ် ဖြစ်တဲ့ အတွက်ကြောင့် ဆေးတိုက်ကျွေးမှု ၉၀ ရာခိုင်နှုန်းကျော် လွှမ်းခြံမှုရှိစေဖို့ ဆယ်ရက်တာ ကာလအတွင်း Albendozole နဲ့ DEC သန်ချဆေး နှစ်မျိုးပေါင်းကို တိုက်ကျွေးမှာ ဖြစ်ပါတယ်။ ဆင်ခြေထောက်ရောဂါ သန်ချဆေးပေါင်းကို အသက်နှစ်နှစ်ထက်ကလေးကနေ စတင်တိုက်ကျွေး သွားမှာ ဖြစ်ပါတယ်။
 
ဆေးမသောက်သုံးရမယ့် အုပ်စုထဲမှာတော့ အသက်နှစ်နှစ်အောက် ကလေးတွေ၊ ကိုယ်ဝန်ဆောင်မိခင်တွေ၊ ရောဂါအခံရှိသူတွေနဲ့ အတက်ရောဂါရှိသူတွေ ပါဝင်ပါတယ်။ ဆင်ခြေထောက် ရောဂါ သန်ချဆေးပေါင်းကို တစ်နိုင်ငံလုံးမှာ ဆယ်ရက်တာ တိုက်ကျွေးပြီးတာနဲ့ ၂၀၂၀ ပြည့်နှစ်မှာ သွေးဖောက်စစ်ဆေးတာကို ပြုလုပ်မှာဖြစ်ပြီး ဆင်ခြေထောက်ရောဂါပိုး တွေ့ရှိနှုန်း လူတစ်ထောင်မှာ တစ်ယောက်အောက် လျော့နည်းသွားပါက ဆင်ခြေထောက်ရောဂါ ကင်းစင်တဲ့ နိုင်ငံအဖြစ် ကြေညာနိုင်မှာ ဖြစ်တယ်လို့သိရပါတယ်။ရေပုပ်ရေသိုး၊ ရေစီးရေလာမကောင်းတဲ့ ရေမြောင်းထဲကခြင် ကိုက်ရာမှ တစ်ဆင့် ကူးစက်ပြီး သွေးကြောထဲမှာ နေထိုင်တဲ့ သန်ကောင်ကြောင့် ဆင်ခြေထောက်ရောဂါဖြစ်ပွားပါတယ်။ ဆင်ခြေထောက် ရောဂါကို ကြိုတင်ကာကွယ်နိုင်ရန် သန်ချဆေးပေါင်းတိုက်ကျွေးရပြီး  မြန်မာနိုင်ငံမှာတော့ ၂၀၂၀ ပြည့်နှစ်အတွင်း ဆင်ခြေထောက်ရောဂါကင်းစင်ရန် ရည်မှန်းချက်ထား လုပ်ဆောင်နေပါတယ်။
 
 

Related News