တောင်ဒဂုံ သီရိမင်္ဂလာ ကျန်းမာရေး (မော်တော်ယာဉ်)အခမဲ့ ၀န်ဆောင်မှုအသင်းကို ထက်လင်း တိုင်းရင်းဆေးဝါးလုပ်ငန်းမှ လူနာတင်ယာဉ် လှူဒါန်းခဲ့တာပါ။ တောင်ဒဂုံ မြို့နယ် ၂၀ ရက်ကွက် သိရိမင်္ဂလာဘုန်းတော်ကြီးကျောင်း  မှာရှိတဲ့ သိရိမင်္ဂလာ ကျန်းမာရေး (မော်တော်ယာဉ်) အခမဲ့ ၀န်ဆောင်မှုအသင်း ကို ဖေဖော်ဝါရီ ၂၅ ရက်က ထက်လင်းတိုင်းရင်းဆေးဝါး ထုတ်လုပ်ရေးလုပ်ငန်းက လူနာတင်ယာဉ်အသစ် တစ်စီးလှူဒါန်းပါတယ်။ အခု လှူဒါန်းခဲ့တဲ့ လူနာတင်ယာဉ်ဟာ အလှူရှင်မိသားစုက ဒုတိယမြောက် လူနာတင်ယာဉ်ကို လှူဒါန်းတာပါ။သီရိမင်္ဂလာ ကျန်းမာရေး (မော်တော်ယာဉ်)  ၀န်ဆောင်မှုအသင်းဟာ ၂၀၁၄ ခုနှစ် ကစတင်တည်ထောင်ခဲ့တာဖြစ်ပြီး ပထမဦးဆုးံ လူနာတင်ယာဉ်ကို ၃၉ ကားကြီး ဂိတ် မှ ၀န်ထမ်းများ စုပေါင်းလှူဒါန်းခဲ့တာ ဖြစ်ပါတယ်။တစ်နှစ်ကို လူနာ ခုနှစ်ရာကျော် ကို ၀န်ဆောင်မှုပေး နေပြီး လေး နှစ်တာ ကာလအတွင်း လူနာတင်ယာဉ်ဝန်ဆောင်မှုပေါင်း ၄၀၀၀ နီးပါးကို ဆောင်ရွက်ခဲ့ပြီး ဖြစ်တယ်လို့ သိရပါတယ် ။ လူနာအများအတွက် မော်တော်ယာဉ်ဝန်ဆောင်မှုကို ဒဂုံမြို့သစ်တောင်ပိုင်းမြို့နယ် အတွင်းမှတစ်ဆင့်  ဆေးရုံများကို ပို့ဆောင်နေပါတယ်။ ဒါအပြင် နီးစပ်ရာမြို့နယ်တွေမှ အကူအညီ တောင်းခံမှုတွေကိုလည်း ဆောင်ရွက်ပေးနေပြီး ရန်ကုန်ဆေးရုံကြီးမှာ နယ်မြို့တွေကို လူနာပို့ဆောင်ပေးမှုတွေကိုလည်း အခမဲ့ ဆောင်ရွက်ပေးနေပါတယ်။ တောင်ဒဂုံမြို့နယ် အတွင်းမှာ လူနာတင် နှင့် နာရေးအကူအညီပေးနေတဲ့ အသင်းလေးသင်းလောက်ပဲ ရှိတယ်လို့ သိရပါတယ်။ ကိုမိုးကောင်းက ပေးပို့ထားတာဖြစ်ပါတယ်။

 

 

Related News