အခုအချိန်မှာ အစိုးရဆေးရုံတွေနဲ့ ပုဂ္ဂလိကဆေးရုံတွေ ပူးပေါင်းဆောင်ရွက်နိုင်ရေး စဉ်းစားဖို့လိုပြီလို့ ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းက မတ်လ(၂)ရက်က ပြုလုပ်ခဲ့တဲ့ ပုဂ်္ဂလိက ဆေးရုံများ အသင်းရဲ့ နှစ်ပတ်လည် အစည်းအဝေးမှာ ပြောကြားခဲ့တာ ဖြစ်ပါတယ်။ရန်ကုန်ဟာ ဒေသပေါင်းစုံက ပြည်သူတွေ အရေးပေါ်လာရောက်ဆေးကုသရာ နေရာတစ်ခု အဖြစ် ရှိနေပြီးလူနာ လွှဲပြောင်းမှုအပါအ၀င် ကုသရေးအပိုင်းမှာ  အခုထက်ပိုမိုပေါင်းစပ် လုပ်ကိုင်နိုင်ပါက ကျန်းမာရေး စောင့်ရှောက်မှု ကဏ္ဍအတွက် ပိုမိုကောင်းမွန်တဲ့ အခြေအနေတစ်ခု ဖြစ်လာမယ်လို့ ၀န်ကြီးချုပ်က တိုက်တွန်းတာဖြစ်ပါတယ်။ဒီအတွက်ဆေးရုံတွေမှာ ကျန်းမာရေးဝန်ကြီးဌာနအသိအမှတ်ပြုကုသမှုဆိုင်ရာ(guideline) လုပ်ငန်းလမ်းညွှန်တွေရှိဖို့လည်းပြောပါတယ်။

ဝန်ကြီးဌာနရဲ့ အချက်အလက်တွေအရ မြန်မာနိုင်ငံ ကနေ ပြည်ပကို ဆေးကုသဖို့ သွားရောက်တဲ့ ကျန်းမာရေးစရိတ်ဟာ တစ်နှစ်ကို အမေရိကန်ဒေါ်လာ သန်း(၃၀၀)နဲ့(၄၀၀)ကြား ရှိနေတယ်လို့သိရပါတယ်။ ရန်ကုန်တိုင်းဒေသကြီးဝန်ကြီးချုပ်က အစိုးရနဲ့ပုဂ္ဂလိက ဆေးရုံတွေပေါင်းစပ်လုပ်ကိုင်ပြီး မြန်မာနိုင်ငံရဲ့ ကျန်းမာရေးစောင့်ရှောက်မှုကို ပြည်ပကပါ အားကိုးလာတဲ့အထိရည်ရွယ်လုပ်ဆောင်ကြဖို့ပြောပါတယ်။ရန်ကုန်မှာ လူနာတွေ ပိုလက်ခံကုသနိုင်ရေး ကျန်းမာရေးဝန်ဆောင်မှုပိုပေးနိုင်ဖို့ ဆေးရုံတွေကို အဆင့်မြှင့်တင်တာတွေလုပ်နေတယ်လို့ကျန်းမာရေးနှင့်အားကစားဝန်ကြီးဌာန အမြဲတမ်းအတွင်းဝန်က ပြောပါတယ်။ ဒါ့အပြင် ရန်ကုန် တိုင်းအစိုးရနဲ့ပူးပေါင်းပြီး အရေးပေါ်လူနာတင်ယာဉ် ကွန်ရက် ကိုလည်း ဆောင်ရွက်နေသလိုမကြာခင်မှလည်းပုဂ္ဂလိကသူနာပြုဝန်ဆောင်မှုတွေ အတွက်ပုဂ္ဂလိကသူနာပြုသင်တန်းတွေဖွင့်လှစ်ခွင့်ပေးတော့မှာ ဖြစ်တယ်လို့အမြဲတမ်းအတွင်းဝန်က ဆက်ပြောပါတယ်။ပုဂ္ဂလိက ဆေးရုံတွေအနေနဲ့ ဖြစ်ပေါ်ဖူးတဲ့ ပြဿနာတွေ၊အရေးယူမှုတွေကို သင်ခန်းစာယူပြီး ကျင့်ဝတ်စည်းမျဉ်း စည်းကမ်းတွေလိုက်နာကြဖို့လည်း ဒေါက်တာသက်ခိုင်ဝင်းက တိုက်တွန်း ပါတယ်။လက်ရှိမှာပုဂ္ဂလိကဆေးရုံ ၂၁၈ ခုကို လုပ်ငန်းလိုင်စင်ထုတ်ပေးထားပြီးဖြစ်ပြီး ပုဂ်္ဂလိကဆေးရုံ တစ်ရာကျော်က မြန်မာနိုင်ငံ ပုဂ္ဂလိကဆေးရုံများအသင်းမှာ အဖွဲ့ဝင်အဖြစ်ပါဝင်နေတာဖြစ်ပါတယ်။ 

 

 

Related News