ပြည်သူများရဲ့ ဆီးချို၊ သွေးချိုရောဂါကုသရေးအတွက်အထောက်အကူပြုစေရန် သင်တန်းဖွင့်လှစ်ဖို့ အကြိုသတင်းစာရှင်းလင်းပွဲကို မတ်လ(၇)ရက်ကGrand Hantha ဆေးရုံမှာ ကျင်းပခဲ့ပါတယ်။သင်တန်းကို မြန်မာနိုင်ငံဆရာဝန်အသင်း၊ ဟော်မုန်းရောဂါဗေဒပညာရှင်များအသင်း၊ မြန်မာနိုင်ငံဆီးချို၊ သွေးချိုရောဂါအသင်းနဲ့ အိန်္ဒိယနိုင်ငံပြည်သူ့ ကျန်းမာရေးဖောင်ဒေးရှင်းတို့ ပူးပေါင်းဖွင့်လှစ်သွားမှာ ဖြစ်ပါတယ်။
တက်ရောက်ခွင့်ရရှိတဲ့သင်တန်းသားတွေကတော့ မြန်မာနိုင်ငံမှာဆီးချို၊ သွေးချိုကုသပေးနေတဲ့ ဆရာဝန်များ၊ ဆရာဝန်လုပ်သက်(၃)နှစ်ရှိပြီးသူများသာ တက်ရောက်ရမှာ ဖြစ်ပါတယ်။ သင်တန်းကိုတော့ ဆေးတက္ကသိုလ်(၁)မှာ မေလ(၆)ရက်၊ ဆေးတက္ကသိုလ်(၂)မှာ မေလ(၁၂)ရက်နဲ့ ဆေးတက္ကသိုလ်(မန်္တလေး)မှာ မေလ(၁၃)ရက်တို့မှာ စတင်ဖွင့်လှစ်သင်ကြားပေးသွားမှာဖြစ်ပြီး တစ်လကိုတစ်ရက်နဲ့(၁၂)လ သင်ကြားပေးသွားမယ်လို့ သိရပါတယ်။သင်တန်းတစ်ခုမှာ သင်တန်းသားအယောက်(၂၀)သာ လက်ခံသင်ကြားပေးသွားမှာ ဖြစ်ပြီးသင်တန်းကြေးကတော့ ငွေကျပ်(၂)သိန်း(၄)သောင်း ဖြစ်တယ်လို့ သိရပါတယ်။ သင်တန်း တက်ရောက်လိုသူတွေကို မတ်လ(၇)ရက်ကနေ ဧပြီလ(၂၀)ရက်အထိ လက်ခံပေးသွားမှာ ဖြစ်ပါတယ်။ သင်တန်းကို ပျက်ရက်မရှိတက်ရောက်မှသာ အိန်္ဒိယနိုင်ငံအသိအမှတ်ပြု Certificate ရရှိမှာဖြစ်တယ်လို့ သိရပါတယ်။

 

 

Related News