မန္တလေးအထွေထွေရောဂါကုဆေးရုံကြီး၊ နှလုံးအထူးကုဌာနအရေးပေါ်နှလုံးသွေးကြောချဲ့ ကုသမှု(၅)နှစ်ပြည့်အထိမ်းအမှတ်ပွဲကို မတ်လ ၁၀ရက်က မန္တလေးမြို့တော်ခန်းမမှာ ကျင်းပပြုလုပ်ခဲ့တာ ဖြစ်ပါတယ်။ မြန်မာနိုင်ငံမှာပထမဆုံးအကြိမ်အဖြစ်နှလုံးသွေးကြောပိတ်ရောဂါ အရေးပေါ်နှလုံးသွေးကြောချဲ့ ကုသမှုကို မန္တလေးအထွေထွေရောဂါကုဆေးရုံကြီးမှာ ၂၀၁၃ခုနှစ်က စတင်ကုသဆောင်ရွက်ခဲ့တာ ဖြစ်ပါတယ်။ 
 
အခုနှစ်မှာ မန္တလေးအထွေထွေရောဂါကုဆေးရုံကြီး၊ နှလုံးအထူးကုဌာနအရေးပေါ် နှလုံးသွေးကြောချဲ့ကုသမှု(၅)နှစ်ပြည့် မြောက်ခဲ့တာကြောင့် အထိမ်းအမှတ်ပွဲနဲ့ ရက်သတ္တပတ်လှုပ်ရှားမှုတွေကို ဆောင်ရွက်တာဖြစ်တယ်လို့ သိရပါတယ်။ လက်ရှိ မန္တလေးအထွေထွေရောဂါကုဆေးရုံကြီး၊ နှလုံးအထူးရောဂါကုဌာနက နှလုံးသွေးကြောပိတ်ရောဂါ လူနာ စုစုပေါင်း (၆၁၁)ဦးကိုလည်း နှလုံးသွေးကြောချဲ့  ကုသပေးနိုင်ခဲ့တယ်လို့ သိရပါတယ်။ 
 
အခုပြုလုပ်တဲ့နှလုံးသွေးကြောချဲ့ကုသမှု(၅)နှစ်ပြည့်အထိမ်းအမှတ်ပွဲမှာ ပြည်သူလူထုကို ကျန်းမာရေး အသိပညာပေးခြင်း၊ သွေးပေါင်ချိန်နှင့်ကိုယ်အလေးချိန်တိုင်းပေးခြင်း၊ အ၀လွန်ရောဂါရှိ မရှိစစ်ဆေးပေးခြင်း၊ ဆီးချိုသွေးချိုစစ်ဆေးပေးခြင်းတွေနဲ့ ကိုယ်လက်လှုပ်ရှားအစီအစဉ်တွေကို ပြုလုပ်ပေးတာ ဖြစ်ပါတယ်။ နှလုံးသွေးကြောချဲ့ကုသမှု(၅)နှစ်ပြည့်ရက် သတ်္တပတ်လှုပ်ရှားမှု အနေနဲ့တော့ မန်္တလေးမြို့မှာရှိတဲ့ ပြည်သူလူထုကို နှလုံးကျန်းမာရေးနဲ့ ပတ်သက်တဲ့အသိပညာပေး လက်ကမ်းစာစောင်တွေ ပေးဝေခြင်း အစီအစဉ်တွေကိုလည်း ပြုလုပ်ပေးခဲ့တယ်လို့ သိရပါတယ်။
 
နှလုံးသွေးကြောပိတ်ရောဂါကြိုတင်ကာကွယ်တဲ့အနေနဲ့ ကိုယ်လက်ကျန်းမာရေးလှုပ်ရှားပေးခြင်း၊ စိတ်ဖိစီးမှုတွေလျှော့ချခြင်း၊ အဆီအဆိမ့်လျှော့စားခြင်းနဲ့ အသီးအနှံတွေစားသုံးခြင်း၊ စတာတွေ ဆောင်ရွက်သင့်တယ်လို့လည်း အကြံပြုထားပါတယ်။ ဒီအထိမ်းအမှတ်ပွဲကိုတော့ မန္တလေးမြို့တော် ခန်းမမှာ ကျင်းပခဲ့ပြီး မန္တလေးတိုင်းဒေသကြီး ၀န်ကြီးချုပ်နှင့် တိုင်းဒေသကြီးအစိုးရအဖွဲ့ဝင်တွေ လည်း တက်ရောက်ခဲ့ကြပါတယ်။
 
 

Related News