အရေးပေါ်နှလုံးသွေးကြောချဲ့ကုသမှု(Primary PCI)ကို မန္တလေးအထွေထွေရောဂါကု ဆေးရုံကြီးနှလုံး အထူးကုဌာနမှာ ကုသပေးလျက်ရှိပြီး မန္တလေးမြို့အနီးတ၀ိုက်ရှိ လူနာတွေကိုလည်း  ရောဂါဖြစ်ပွားလို့ ၃နာရီအချိန်အတွင်း ဆေးရုံကို ရောက်ရှိလာတဲ့ လူနာတွေကို ကုသပေးနေတာလည်း ဖြစ်ပါတယ်။ အထက်မြန်မာပြည်မှာရှိတဲ့ နှလုံးသွေးကြောပိတ်လူနာတွေကို ကုသပေးနိုင်ဖို့အတွက် နယ်တွေမှာရှိတဲ့ မြို့နယ်ဆေးရုံတွေမှာ နှလုံးသွေးကြောချဲ့ဆေးတွေကိုပေးထားမှာဖြစ်ပြီး ဒီလူနာဟာမန္တလေးအထွေထွေရောဂါကု ဆေးရုံကြီးကို ၂၄နာရီအတွင်း လာရောက်နိုင်မယ်ဆိုရင် အရေးပေါ်နှလုံးသွေးကြောချဲ့ကုသမှုအတွက်လည်း ဆောင်ရွက်ပေးနိုင်တယ်လို့ သိရပါတယ်။

မြန်မာနိုင်ငံမှာပထမဆုံးအကြိမ်အဖြစ် နှလုံးသွေးကြောပိတ်ရောဂါ အရေးပေါ်နှလုံးသွေးကြောချဲ့ ကုသမှုကို မန္တလေးအထွေထွေရောဂါကုဆေးရုံကြီးမှာ ၂၀၁၃ခုနှစ်စတင်ကုသဆောင်ရွက်ခဲ့ပြီး အခုဆို၅နှစ် ပြည့်ခဲ့ပြီးဖြစ်တယ်လို့ သိရပါတယ်။ နှလုးံသွေးကြောချဲ့ကုသခဲ့ပေးခဲ့တဲ့ ၅နှစ်အတွင်း နှလုံးသွေးကြောပိတ် လူနာစုစုပေါင်း(၆၁၁)ဦးကိုလည်း နှလုံးသွေးကြောချဲ့ ကုသပေးထားနိုင်ခဲ့တယ်လို့ သိရပါတယ်။ မန္တလေးအထွေထွေရောဂါကုဆေးရုံကြီး၊နှလုံးရောဂါအထူးကုဌာနအနေနဲ့ ပြီးခဲ့တဲ့ဖေဖေါ်ဝါရီလက မြန်မာနိုင်ငံမှာ ပထမဆုံးအကြိမ်အဖြစ် နှလုံးအဆို့ရှင်ကျဉ်းရောဂါအား မခွဲစိတ်ဘဲပေါင်ခြံသွေးလွှတ်ကြောမှတစ်ဆင့် အဆို့ရှင် တပ်ဆင်ခြင်းကုထုံးကို မန္တလေးအထွေထွေရောဂါကုဆေးရုံကြီးမှာ ဆောင်ရွက်နိုင်ပေးခဲ့တယ်လို့သိရပါတယ်။

 

 

 

Related News