အခုနှစ်မှာကျရောက်မယ့် သင်္ကြန်ကာလမှာ လိုအပ်မယ့်သွေးပမာဏအတွက် ကြိုတင်စုဆောင်း မှုတွေရှိနေလို့ သွေးလုံလောက်မှုရှိနိုင်တယ်လို့ အမျိုးသားသွေးဌာန(ရန်ကုန်)မှ တာဝန်ရှိသူက ပြောကြားပါတယ်။ သွေးလိုအပ်ချက်ရှိနေသူတွေကို ကူညီနိုင်ဖို့အတွက်အမျိုးသားသွေးဌာနအနေနဲ့ သင်္ကြန်ကာလအပြင် နေ့စဉ်လိုအပ်နေတဲ့ သွေးပမာဏတွေအတွက် စေတနာသွေးအလှူရှင်တွေဆီက သွေးစုဆောင်းမူတွေကို ပြုလုပ်နေပါတယ်။ တစ်နှစ်ထက်တစ်နှစ် သွေးလိုအပ်ချက်တွေမြင့်တက်လာတဲ့အတွက် အမျိုးသား သွေးဌာန(ရန်ကုန်)အနေနဲ့ (၂၀၁၄)ခုနှစ်ကစပြီး သွေးကြိုတင်စုဆောင်းမှုပြုလုပ်ခဲ့ပြီး နှစ်စဉ်သင်္ကြန်ကာလ မတိုင်မီဖေဖော်ဝါရီလကတည်းက သွေးစုဆောင်းမူတွေ ပြုလုပ်လျက်ရှိတယ်လို့ သိရပါတယ်။

သွေးလိုအပ်ချက်မြင့်တက်လာတဲ့အတွက် အခု(၂၀၁၈)တစ်နှစ်တာအတွင်း သွေးအလှူရှင် (၈၀၀၀)ခန့် လိုအပ်နေပြီးသင်္ကြန်ကာလအတွက်ကတော့ သွေးအလှူရှင်(၃၀၀၀)ခန့် လိုအပ်မယ်လို့ သိရပါတယ်။ လိုအပ်တဲ့ သွေးပမာဏအတွက် အမျိုးသားသွေးဌာန(ရန်ကုန်)အနေနဲ့သွေး ကြိုတင်စုဆောင်းမှုအဖြစ် ရွှေတိဂုံစေတီတော် အနောက်ဘက်မုခ်နဲ့ စေတနာသွေးလှူရှင်အဖွဲ့တွေဆီက သွေးအလှူခံလျက်ရှိတယ်လို့ သိရပါတယ်။သင်္ကြန်ကာလအတွက် အမျိုးသားသွေးဌာန(ရန်ကုန်)ကို စေတနာရှင်များက စုပေါင်းသွေးလှူဒါန်း မှုများအဖြစ် ရန်ကုန်တိုင်းစစ်ဌာနချုပ်နဲ့ ဇီဝိတဒါနသံယဆေးရုံကြီးက ပုံမှန်လှူဒါန်းမှုတွေ ရှိနေတယ်လို့ သိရပါတယ်။

 

 

Related News