ရန်ကုန်ကလေးဆေးရုံကြီးမှာ တစ်နှစ်ကို မွေးရာပါသွေးအားနည်းရောဂါ ဝေဒနာခံစားနေရတဲ့ လူနာကလေးငယ်နှစ်ထောင်ဝန်းကျင်ခန့်ကို ဆေးကုသမှုပေးလျက်ရှိတယ်လို့ သိရပါတယ်။သွေးအားနည်းရောဂါဟာ မျိုးရိုးဗီဇကြောင့်ဖြစ်ပွားတဲ့ နာတာရှည်ရောဂါတစ်မျိုးဖြစ်ပါတယ်။ သွေးအားနည်းရောဂါဒေနာရှင်တွေဟာ ဆေးဝါးကုသမှုအမြဲခံယူနေရပါတယ်။  ရန်ကုန်ကလေး ဆေးရုံကြီးအနေနဲ့ နေ့စဉ်ကလေးငယ်ဆယ်ဦးကနေ(၃၀)လောက်ကို ဆေးဝါးကုသမှုပေးလျက်ရှိ တယ်လို့ သိရပါတယ်။ ဒီရောဂါအတွက် အဓိကလိုအပ်ချက်ကတော့ သွေးလိုအပ်မှုဘဲဖြစ်ပါတယ်။ လိုအပ်တဲ့ သွေးကိုတော့ အမျိုးသားသွေးလှူဘဏ်ကနေ အခမဲ့ရရှိနိုင်တယ်လို့သိရပါတယ်။ တစ်ခါတစ်ရံ သွေးရရှိမှုအခက်အခဲရှိမှသာ ပြင်ပကအလှူရှင်ရှာရတယ်လို့သိရပါတယ်။

သွေးအားနည်းရောဂါဟာ ကမ္ဘာပေါ်ကနိုင်ငံတိုင်းမှာဖြစ်ပွားနေပြီး အရှေ့တောင်အာရှနိုင်ငံ တွေကတော့ ဖြစ်ပွားမှုအများဆုံးလို့ သိရပါတယ်။ နှစ်စဉ်မေလရှစ်ရက်နေ့ကို ကမ်္ဘာ့သွေးအားနည်းရောဂါနေ့အဖြစ်သတ်မှတ်ထားပြီး ရန်ကုန်ဆေးရုံကြီးအနေနဲ့လည်းမေလရှစ်ရက်နေ့ရောက်တိုင်း သွေးအားနည်းရောဂါဝေဒနာရှင်တွေကို ဖိတ်ကြားပြီး အခမ်းအနားပြုလုပ်လာတာ ၇ ကြိမ်ရှိပြီဖြစ်ပါတယ်။ သွေးအားနည်းရောဂါဟာ ကမ္ဘာပေါ်မှာ နှစ်စဉ်လူနာဦးရေသစ်အနေနဲ့ သုံးသိန်းကနေ ဆယ်သိန်းထိ မွေးဖွားနေတယ်လို့ သိရပါတယ်။ သွေးအားနည်းရောဂါအမျိုးအစားများစွာရှိပြီး နိုင်ငံတစ်နိုင်ငံနဲ့ တစ်နိုင်ငံဖြစ်ပွားမှုကွာခြားတယ်လို့ သိရပါတယ်။

 

 

 

Related News