အမျိုးသားသွေးဌာနအနေနဲ့ သွေးလိုအပ်တဲ့လူနာတွေကို သွေးထောက်ပံ့ပေးအပ်မှုဟာ ကိုးဆယ့်ကိုးရာခိုင်နှုန်းထိ ထောက်ပံ့ပေးနိုင်ပြီလို့ အမျိုးသားသွေးဌာန(ရန်ကုန်)မှ သိရပါတယ်။ အမျိုးသားသွေးလှူဘဏ်အနေနဲ့ အစိုးရဆေးရုံတွေအပြင် ပြင်ပကသွေးလိုအပ်တဲ့လူနာတွေကို သွေးထောက်ပံ့ပေးမှုတွေ ပြုလုပ်လျက်ရှိရာမှာ ၂၀၁၆ခုနှစ်မှာ ၈၅ ရာခိုင်နှုန်း ၂၀၁၇ခုနှစ်မှာ ၉၂ ရာခိုင်နှုန်း ၂၀၁၈ ခုနှစ်ဧပြီလကုန်ထိ ၉၅ရာခိုင်နှုန်းထိ တိုးမြှင့်ထောက်ပံ့ပေးနိုင်ခဲ့တယ်လို့ သိရပါတယ်။

၁၉၆၂ခုနှစ်ဒီဇင်ဘာလ(၁၄)ရက်က ဗဟိုအမျိုးသားသွေးလှူဘဏ်ကော်မရှင်ကိုစတင်ဖွဲ့စည်းခဲ့ပြီး စေတနာရှင်သွေးလှူရှင်စနစ်ကိုဖော်ဆောင်ခဲ့တယ်လို့ သိရပါတယ်။ ၂၀၀၃ ခုနှစ် နောက်ပိုင်းမှာတော့ ရန်ကုန်ဆေးရုံကြီးရဲ့ ဗဟိုအမျိုးသားသွေးလှူဘဏ်ကနေ အမျိုးသားသွေးဌာနကို ပြောင်းလဲဖွဲ့စည်း ခဲ့တယ်လို့ သိရပါတယ်။ ၂၀၁၆ခုနှစ်မှာတော့ ကျန်းမာရေးဝန်ကြီးဌာနအောက်ကိုရောက်ရှိခဲ့ပြီး အမျိုးသားသွေးဌာန(ရန်ကုန်)အဖြစ် သီးသန့်ရပ်တည်ခဲ့တယ်လို့ သိရပါတယ်။

 

 

Related News