ဝိတိုရိယဆေးရုံရဲ့ သောတပြည့်စုံစီမံချက်အရ နားအကြားအာရုံချွတ်ယွင်းနေတဲ့ ကလေးများ အတွက် အလှူငွေပေးအပ်ပွဲကို မေလ(၂၅)ရက်က ၀ိတိုရိယဆေးရုံမှာပြုလုပ်ခဲ့ပါတယ်။ သောတပြည့်စုံစီမံချက်အရ အကြားအာရုံချွတ်ယွင်းနေတဲ့ ကလေးငယ်(၄)ဦးကို ခွဲစိတ်မှုတွေ ပြုလုပ်ပေးပြီး နားအကြား နှိုးဆွကိရိယာတပ်ဆင်ပေးတာဖြစ်ပါတယ်။ အခုလိုတပ်ဆင်ပေးရာမှာ ကလေးငယ်(၂)ဦးကိုတော့ ဆေးရုံစရိတ်နဲ့ ဆေးစစ်တဲ့စရိတ်တွေအပါအ၀င် နားအကြားနှိုးဆွ ကိရိယာတပ်ဆင်ပေးတဲ့အထိ အခမဲ့ကုသပေးခဲ့တယ်လို့သိရပါတယ်။
 
ကျန်တဲ့ကလေးငယ်(၂)ဦး ကတော့ ငွေကြေးတတ်နိုင်တာကြောင့် ကိုယ်တိုင်အကုန်ကျခံပြီး ခွဲစိတ်မှုပြုလုပ်ခဲ့တယ်လို့ သိရပါတယ်။ အခုလိုခွဲစိတ်မှုပြုလုပ်တဲ့အခါမှာ ၀န်ဆောင်မှုစရိတ်အနေနဲ့ ငွေကျပ်သိန်း(၄၀) ကုန်ကျပြီး နားအကြားနှိုးဆွ ကိရိယာတပ်ဆင်ဖို့အတွက်ကတော့ အမေရိကန်ဒေါ်လာ(၂)သောင်း ကုန်ကျတယ်လို့သိရပါတယ်။
 
နားအကြားအာရုံနှိုးဆွစက်ကို စာသင်ကြားရာမှာ လွယ်ကူတဲ့အရွယ်တွေဖြစ်တဲ့ (၆)နှစ်အောက် ကလေးငယ်တွေကိုသာ အဓိကတပ်ဆင်ပေးတာဖြစ်ပါတယ်။ သောတပြည့်စုံစီမံချက်က အလှူရှင်တွေကလည်း ပြည်နယ်နှင့်တိုင်းဒေသကြီး အသီးသီးမှာရှိတဲ့ နားမကြားကလေးငယ်တွေကို အကြားအာရုံရရှိစေဖို့အတွက်  အလှည့်ကျခွဲစိတ်ပေးနေတာဖြစ်တယ်လို့ သိရပါတယ်။ ဒီစီမံချက်ကို ပြီးခဲ့တဲ့(၂၀၁၄)ခုနှစ်ကတည်းက စတင်လုပ်ဆောင်ခဲ့တာဖြစ်ပြီး လက်ရှိအချိန်ထိ ကလေးငယ် (၈၂)ဦးကို ခွဲစိတ်ပေးပြီးဖြစ်တယ်လို့သိရပါတယ်။  နားအကြားနှိုးဆွစက် တပ်ဆင်ပေးပြီးတဲ့ ကလေးငယ်တွေ စာသင်ကြားရေးအတွက် ၀ိတိုရိယဆေးရုံမှာ  အခမဲ့သင်ကြားပေးနေတယ်လို့ သိရပါတယ်။
 
 

Related News