အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန လူမှုဖူလုံရေးအဖွဲ့အလုပ်သမားဆေးရုံကြီး(ရန်ကုန်)က ကျန်းမာရေးအသိပညာပေးဟောပြောပွဲနှင့် ကွင်းဆင်းဆေးကုသခြင်းတွေကို ဇွန်လ(၂၁)ရက်က မရမ်းကုန်းမြို့နယ် Yangon Airport Group မှာ ပြုလုပ်ခဲ့ပါတယ်။ နွယ်နီဝင်းက တင်ဆက်ပေးမှာပါ။

အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန လူမှုဖူလုံရေးအဖွဲ့အလုပ်သမားဆေးရုံကြီး (ရန်ကုန်)မှ ခွဲစိတ်အထူးကု၊ အရိုး/အကြောအထူးကု၊ အထွေထွေရောဂါအထူးကုနဲ့ သွား/ခံတွင်းအထူးကု ဆရာဝန်ကြီးတွေက ကျန်းမာရေးဟောပြောပွဲပြုလုပ်ပြီး၊ ကွင်းဆင်းဆေးကုသပေးခဲ့တာပါ။ အခုလိုဆေးကုသပေး ရာမှထပ်မံကုသဖို့ လိုအပ်သူတွေကို လူမှုဖူလုံရေးအဖွဲ့အလုပ်သမားဆေးရုံကြီး (ရန်ကုန်)နဲ့ သက်ဆိုင်ရာဆေးရုံတွေမှာ ဆက်လက်ကုသပေးမှာဖြစ်တယ်လို့သိရပါတယ်။

Yangon Airport Group က၀န်ထမ်းတွေကတော့ အခုလိုလူမှုဖူလုံရေးအဖွဲ့ အလုပ်သမားဆေးရုံကြီးမှ အထူးကုဆရာဝန်ကြီးတွေကိုယ်တိုင်လာရောက်စမ်းသပ်ကုသပေးတာဟာ အလုပ်ချိန်မလစ်ဟင်းတာကြောင့် ၀န်ထမ်းတွေအတွက်အဆင်ပြေတယ် လို့ပြောပါတယ်။ ဆေးကုသပေးရာမှာ လူနာတွေလိုအပ်တဲ့ဆေးဝါးတွေကို အခမဲ့ပေးခဲ့တယ်လို့သိရပါတယ်။

အခုလို ကွင်းဆင်းကုသရာမှာ လူမှုဖူလုံရေးအဖွဲ့အလုပ်သမားဆေးရုံကြီး (ရန်ကုန်)မှ ဒုတိယဆေးရုံအုပ်အပါအ၀င်၊ ရောဂါဗေဒအထူးကုဆရာဝန်ကြီး(၁)ဦး၊ အထူးကုဆရာဝန်ကြီး(၄)ဦး၊ လက်ထောက်ဆရာဝန်(၄)ဦး၊ သူနာပြု(၄)ဦးနဲ့ အထောက်အကူပြု(၃)ဦး ပါဝင်တယ်လို့သိရပါတယ်။ အလုပ်သမားဆေးရုံကြီး(ရန်ကုန်)အနေနဲ့ တစ်လတစ်ကြိမ် ကုမ္ပဏီတွေကို အလှည့်ကျ လိုက်လံကွင်းဆင်းကုသပေးသွားမယ်လို့ သိရပါတယ်။

 

 

 

 

Related News