ပြည်တွင်းမှာရှိတဲ့ အသက်(၁၃)နှစ်ကနေ (၁၅)နှစ်အတွင်း ကျောင်းသားကျောင်းသူလူငယ်ထုရဲ့ (၁၃ဒသမ၆)ရာခိုင်နှုန်းဟာ ဆေးလိပ်(သို့မဟုတ်) ကွမ်းယာစားသုံးသူတွေဖြစ်တယ်လို့ ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီးဒေါက်တာမြင့်ထွေးကပြောပါတယ်။

အသက်(၁၃)နှစ်ကနေ(၁၅)နှစ်အတွင်း ကျောင်းသားကျောင်းသူလူငယ်ထုရဲ့ ယောကျာ်းလေး(၂၆ဒသမ၃)ရာခိုင်နှုန်းနဲ့ မိန်းကလေး(၃ဒသမ၇)ရာခိုင်နှုန်းတို့ဟာ ဆေးလိပ်(သို့မဟုတ်)ကွမ်းယာကို စားသုံးသူတွေပါ။ ဆေးလိပ်သောက်သုံးသူအများစုဟာ ကလေးသူငယ်ဘ၀မှာ စတင်စမ်းသပ်သောက်သုံးရင်းကနေစွဲလမ်းသွားကြတာဖြစ်ပြီး ဆေးလိပ်ဆေးရွက်ကြီးသုံးစွဲမှုကနေ အစပြုသွားနိုင်တဲ့ မူးယစ်ဆေးဝါးအန္တရာယ်ကလည်းကျောင်းသားကျောင်းသူလူငယ်များ အတွက် အလွန်ကြီးမားတဲ့ ပြသနာတစ်ရပ်ဖြစ်နေတယ်လို့ ပြည်ထောင်စုဝန်ကြီးဒေါက်တာမြင့်ထွေး ကဆိုပါတယ်။

ကျောင်းသားကကျောင်းသူ အတွင်းသာမက မြန်မာနိုင်ငံရဲ့လူငယ်ထုအတွင်း အီးစီးကရက်၊ရေပြောင်း၊ သျှီသျှ အပါအ၀င်ဆေးလိပ်နဲ့ ဆေးရွက်ကြီးထွက်ပစ္စည်းများသုံးစွဲမှုဟာ တစ်နေ့ထက်တစ်နေ့တိုးမြှင့်လာ နေတယ် လို့သိရပါတယ်။ သုတေသနတွေ့ရှိချက်များအရ မြန်မာနိုင်ငံမှာ လက်ရှိဆေးလိပ်သောက်သုံးသူ အရေအတွက် ဟာစုစုပေါင်းလူဦးရေရဲ့ (၂၆ဒသမ၁)ရာခိုင်နှုန်းအထိရှိပြီး ဆေးရွက်ကြီးပါတဲ့ ကွမ်းယာစားသုံသူအရေအတွက်ဟာ (၄၃) ရာခိုင်နှုန်း အထိရှိ နေတယ်လို့သိရပါတယ်။

 မြန်မာနိုင်ငံဟာအရှေ့တောင်အာရှနိုင်ငံတွေ အကြား ဆေးရွက်ကြီးနဲ့ ကွမ်းယာတွဲ ဖက်စားသုံးမှု အများဆုံးနိုင်ငံဖြစ်တယ်လို့သိရပါတယ်။ ဒါကြောင့်မြန်မာနိုင်ငံမှာ ဆေးလိပ်နှင့်ဆေးရွက်ကြီးသောက်သုံးမှု ထိန်းချုပ်ရေး၊ သုံးစွဲမှု လျော့ချရေး နှင့် မကူးစက်နိုင်သော ရောဂါများကာကွယ်ရေးအတွက် အမျိုးသားအဆင့် ဆွေးနွေးပွဲ တစ်ခုကို နေပြည်တော် မှာပြုလုပ်ခဲ့ကြပါတယ်။ အဆိုပါဆွေးနွေးပွဲကိုနေပြည်တော်က Grand Amara Hotelမှာ ဇွန်လ၂၅ရက်နဲ့ ၂၆ရက်တို့ မှာနှစ်ရက်ကြာ ပြုလုပ်နေတာဖြစ်ပါတယ်။

လေ့လာတွေ့ရှိချက်တွေအရ ဆေးလိပ်နှင့်ဆေးရွက်ကြီးထွက်ပစ္စည်းသုံးစွဲမှုကြောင့် နှလုံးသွေးကြောပိတ်ခြင်း၊ ဦးနှောက်သွေးကြောပိတ်ကာလေဖြတ်ခြင်း စတဲ့ရောဂါများနဲ့ ဖြစ်ပွားသေဆုံးစေပြီး မြန်မာနိုင်ငံမှာ နှစ်စဉ်လူဦးရေ(၆၅၀၀၀)ကျော်သေဆုံးလျက်ရှိတယ်လို့သိရပါတယ်။

 

 

Related News