ရန်ကုန်မြို့တော်စည်ပင်သာယာရေးကော်မတီ၊ တိရိစ္ဆာန်ဆေးကုနှင့်သားသတ်ရုံများဌာနမှ  ရန်ကုန်ဆေးရုံကြီးမှာရှိတဲ့ လေလွင့်ခွေးတွေကို ခွေးရူးရောဂါကြိုတင်ကာကွယ်ဆေးထိုးပေးခြင်းနှင့် မျိုးပွားမှု ထိန်းချုပ်ပေးခြင်း စီမံချက်ကို ရန်ကုန် ဆေးရုံကြီးဝင်းအတွင်းမှာ လုပ်ဆောင်ခဲ့တာ ဖြစ်ပါတယ်။

ရန်ကုန်ဆေးရုံကြီးထဲမှာ လေလွင့်ခွေး အကောင်ရေ (14)ကောင်တွေကို ရန်ကုန်မြို့တော်စည်ပင်သာယာရေး ကော်မတီက တိရိစ္ဆာန်ဆေးကုနှင့်သားသတ်ရုံများဌာနမှ ခွေးရူးရောဂါကြိုတင်ကာကွယ် ဆေးထိုးပေးထားတဲ့အပြင် မျိုးပွားမှု ထိန်းချုပ်ပေးတွေကိုပါပြုလုပ်ပေး ခဲ့ပြီးဖြစ်ပါတယ်။ခွေးတွေကို မျိုးပွားမှု ထိန်းချုပ်တဲ့အခါမှာ အရင်ဆုံးမေ့ဆေးအသုံးပြုပြီး ခွေးများကို ဖမ်းဆီးကာ ခွေးရူးကာကွယ်ဆေးနဲ့ မျိုးပွားမှုထိန်းချုပ်ခြင်းလုပ်ငန်းများကိုလုပ်ဆောင်တာဖြစ်ပါတယ်။

ခွေးရူးကာကွယ်ဆေးနဲ့မျိူးပွားမှုထိန်းချုပ်ပြီးတဲ့ ခွေးတွေကိုတော့ ရန်ကုန်မြို့တော်စည်ပင်သာယာရေးကော်မတီ၊ တိရစ္ဆာန်ဆေးကုနှင့်သားသတ်ရုံဌာနကခွေးလည်ပင်းမှာ အမှတ်အသားလုပ်ထားတယ်လို့ ပြောပါတယ်။ဒီလို ရန်ကုန်ဆေးရုံကြီးဝင်းထဲရှိ ကာကွယ်ဆေးထိုးပြီးတဲ့ခွေးတွေကို လေလွင့်ခွေးစောင့်ရှောက်ရေးဂေဟာတွေမှာ ထားရှိသွားမယ်လို့ ပြောပါတယ်။

ရန်ကုန်မြို့တော်စည်ပင်သာယာရေးကော်မတီအနေနဲ့  လေလွင့်ခွေးတွေနဲ့ပတ်သက်ပြီး ရောက်ရှိလာတဲ့တိုင်စာတွေ အရ အရင် ကအဆိပ်ချခြင်းတွေကိုပြုလုပ်ခဲ့ပေမယ့် (2016) ခုနှစ် က စတင်ပြီး လေလွင့်ခွေးမျိုးပွားမှု ထိန်းချုပ်ပေးခြင်းတွေကို စီမံကိန်းကို မြို့နယ်တွေအလိုက် လုပ်ဆောင်နေတာဖြစ်တယ်လို့ သိရပါတယ်။

 

 

Related News