ကျောက်တန်းမြို့နယ်ခနောင်တံတားကနေ ရိုးတစ်လျှောက်စက်လှေစီးပြီးမှရောက်နိုင်တဲ့ ဘိုးဘကျေးရွာအုပ်စုရဲ့မကျီးကန် ကျေးလက်ကျန်းမာရေးဌာနခွဲကို ဝါးရုံပင်ဖောင်ဒေးရှင်းကပြုပြင်တည်ဆောက်ပေးခဲ့ပြီး မနေ့က ဇူလိုင်လ(၁)ရက်က ဆေးခန်းဖွင့်လှစ်ပေးခဲ့ပါတယ်။နိုင်ငံရေးအကျဉ်းသားဟောင်းတွေ စုစည်းတည်ထောင်ထားတဲ့ ဝါးရုံပင်ဖောင်ဒေးရှင်းက မကျီးကန် ကျေးလက်ကျန်းမာရေးဌာနခွဲကို ပြုပြင်တည်ဆောက်ပေးခဲ့တာဖြစ်ပြီး ခန့်မှန်းခြေတန်ဖိုး ကျပ်သိန်း (၇၀)နီးပါး ကုန်ကျခဲ့တယ်လို့သိရပါတယ်။ မကျီးကန် ကျေးလက်ကျန်းမာရေးဌာနခွဲကို နီးစပ်ရာရွာ(၅)ရွာမှ အားကိုးနေရပြီး ဆရာဝန် မရှိဘဲ သားဖွားဆရာမတစ်ယောက်တည်းကသာ ရွာရဲ့ကျန်းမာရေးကိုတာဝန်ယူစောင့်ရှောက်နေရတာလည်းဖြစ်ပါတယ်။

ဒါကြောင့်ဝါးရုံပင်ဖောင်ဒေးရှင်းက ကျောက်တန်းမြို့နယ်ရှိ မကျီးကန်ကျေးလက်ကျန်းမာရေးဌာနခွဲကို ပြုပြင်တည်ဆောက်ဖို့တာဝန်ယူခဲ့တာဖြစ်ပြီး ဆေးခန်းမှာလိုအပ်နေတဲ့ဆေးဝါးတွေလည်း လှူဒါန်းခဲ့ပါတယ်။ဘိုးဘကျေးရွာအုပ်စုအပိုင်မကျီးကန်ကျေးလက်ကျန်းမာရေးဌာနခွဲတစ်ဖြစ်လည်းဆေးခန်းက ပြီးခဲ့တဲ့ (၂၀၀၈) ခုနှစ် နာဂစ်တိုက်ခတ်ပြီးကတည်းကအဆောက်အအုံပိုင်းဆိုင်ရာပျက်စီးသွားခဲ့တာပါ။ ဒီကာလတစ်လျှောက်လုံးမှာဆေးခန်းကိုသွပ်မိုးပြီး ဓနိကာနိုင်ဖို့ ရွာသားတွေက ကြိုးပမ်းခဲ့ရပြီး ယခုလို တစ်ထပ်တိုက် ဆေးခန်းဖြစ်လာဖို့ တခါမှ မမျှော်လင့်ခဲ့ဘူးလို့ ဘိုးဘကျေးရွာအုပ်ချုပ်ရေးမှူးက ပြောပါတယ်။

ယခုလို ဆေးခန်းကို ပြုပြင်တည်ဆောက်ဖို့ဒေသခံ မြေပိုင်ရှင်က ပေလေးဆယ် ၊ ပေခြောက်ဆယ် မြေတစ်ကွက် လှူဒါန်းခဲ့ပြီး အဆောက်အဦး ပြုပြင်မွမ်းမံတာကိုတော့ ဝါးရုံပင်ဖောင်ဒေးရှင်းက ဆောင်ရွက်ပေးခဲ့ပါတယ်။ မကျီးကန် ကျေးလက်ကျန်းမာရေး ဌာနခွဲမှာ ကိုယ်ဝန်ဆောင်တွေ၊ မီးဖွားပြီး မိခင်တွေ၊ သက်ကြီး ရွယ်အိုတွေနဲ့ကလေးတွေကို အခမဲ့ ကြည့်ရှုပေးနေပြီး အရေးပေါ်လူနာတွေကိုတော့ တံတားတိုက်နယ်ဆေးရုံကို လွှဲပြောင်းပေးနေရတယ်လို့သိရပါတယ်။ 

 

 

 

Related News